కేబినెట్ కీల‌క నిర్ణ‌యం.. సెప్టెంబ‌ర్ 17న‌ తెలంగాణ జాతీయ స‌మైక్య‌తా దినం..

Telangana Cabinet: తెలంగాణ కేబినెట్‌ కీలక నిర్ణయం తీసుకుంది. సెప్టెంబర్‌ 17న జాతీయ సమైక్యతా దినోత్సవం జరపాలని నిర్ణయించుకుంది. సెప్టెంబర్‌ 16 నుంచి 18 వరకు మూడ్రోజుల పాటు రాష్ట్ర వ్యాప్తంగా వజ్రోత్సవాలు నిర్వహించాలని కేబినెట్‌ నిర్ణయం తీసుకుంది. ఇందులో భాగంగా.. 3 రోజుల పాటు నిర్వహించే కార్యక్రమాలను కేబినెట్‌ నిర్ణయించింది. అన్ని నియోజకవర్గ కేంద్రాల్లో యువతీ యువకులు, మహిళలతో భారీ ర్యాలీ చేపట్టాలని ఆదేశించారు. అలాగే సెప్టెంబర్‌ 17న పబ్లిక్‌ గార్డెన్‌లో సీఎం కేసీఆర్‌ జాతీయ జెండా ఆవిష్కరించనున్నారు.