బండ్లగూడలో రెడ్‌ హ్యాండెడ్‌గా పట్టుబడిన దొంగ.. ఏటీఎం డోర్‌ తెరవగానే మోగిన అలారం

Hyderabad: హైదరాబాద్‌ శివారులోని ఏటీఎంలో చోరీ చేస్తున్న దొంగను పోలీసులు రెడ్‌హ్యాండెడ్‌గా పట్టుకున్నారు. బండ్లగూడలోని కాళీ మందిర్‌ ప్రభుత్వ పాఠశాల వద్ద ఉన్న బ్యాంక్‌ ఏటీఎంలోకి ఓ దొంగ చొరబడ్డాడు. వెంట తెచ్చుకున్న ఇనుప రాడ్డుతో ఏటీఎం డోర్‌ను తొలగించాడు. డోర్‌ తెర్చుకోగానే అలారం మోగింది. గస్తీలో ఉన్న పోలీసులు అలెర్ట్‌ అయి ఏటీఎం వద్దకు వచ్చి దుండగుడిని అరెస్ట్ చేశారు. పట్టుబడిన దొంగను రాజేంద్రనగర్ పోలీస్‌ స్టేషన్‌కు తరలించారు.