Watch: అయ్యయ్యో ఇదెక్కడి చోద్యం.. ఎగరకుండానే కుప్పకూలిన రాకెట్.. హ్యాపీగా ఉందన్న సీఈవో..!

ఆస్ట్రేలియాలో చోటు చేసుకున్న ఓ విచిత్ర ఘటన ప్రస్తుతం సోషల్ మీడియాను షేక్ చేస్తోంది. గిల్మర్ స్పేస్ టెక్నాలజీస్ అనే సంస్థ తొలిసారి ప్రయోగించిన ఎరిస్ రాకెట్ (Eris Rocket) ప్రయోగం కేవలం 14 సెకన్ల లోపే భూమిపై కూలిపోయింది. కానీ ఈ దృశ్యాన్ని చూసినవారంతా షాక్‌లో ఉండగా.. సంస్థ మాత్రం దీన్ని విజయవంతమైన ప్రయోగంగా ప్రకటించడం హాట్ టాపిక్‌గా మారింది!

ప్రయోగం అంటే ఇదేనా?

ఈ ప్రయోగం క్వీన్స్‌లాండ్ రాష్ట్రం, బోవెన్ ప్రాంతంలోని స్పేస్ పోర్ట్ నుంచి బుధవారం జరిగింది. 23 మీటర్ల పొడవున్న ఈ ఎరిస్ రాకెట్ 75 అడుగుల పొడవుతో చిన్న ఉపగ్రహాలను కక్ష్యలోకి తీసుకెళ్లేందుకు రూపొందించబడింది. రాకెట్ లాంచ్ అయిన కొన్ని క్షణాల్లోనే పైకి లేచి తుడిచిపెట్టుకుని వెంటనే కింద పడిపోయింది. దట్టమైన పొగ, మంటలతో ఆ ప్రాంతం భయానకంగా మారింది. ఈ దృశ్యం వీడియోలో స్పష్టంగా కనిపిస్తూ సోషల్ మీడియాలో వైరల్ అయింది.

సీఈవో హ్యాపీ.. ఎందుకో తెలుసా?

ఈ విఫల ప్రయోగాన్ని కంపెనీ మాత్రం విజయంగా పేర్కొంది. నాలుగు హైబ్రిడ్-ప్రొపెల్డ్ ఇంజిన్‌లు సజావుగా పనిచేశాయనీ, రాకెట్ 14 సెకన్ల పాటు ఎగిరిందని ఫేస్‌బుక్ పోస్ట్‌లో పేర్కొంది. "లాంచ్‌ప్యాడ్ నుంచి రాకెట్ టేకాఫ్ కావడమే పెద్ద అడుగు" అంటూ సీఈవో ఆడమ్ గిల్మర్ స్పందించారు. ఇది తమ సంస్థకు మైలురాయిగా భావిస్తున్నామని చెప్పారు.

ముందుగా వాయిదాలు.. ఇప్పుడు విఫలం!

ఈ ప్రయోగాన్ని మే, జూలైలో జరపాలని భావించినా.. సాంకేతిక లోపాలు, వాతావరణ అడ్డంకుల కారణంగా వాయిదా వేశారు. అయినా ప్రైవేట్ నిధులు, ప్రభుత్వ గ్రాంట్ల సాయంతో చివరకు ఇది జరిగిందని సమాచారం. అయితే రాకెట్ కూలిపోయినప్పటికీ సీఈవో వ్యాఖ్యలు నెటిజన్లలో వివాదాన్ని రేపుతున్నాయి.

ఇదీ వీడియో వైరల్‌ హైలైట్

ఈ ప్రయోగానికి సంబంధించిన వీడియోలో రాకెట్ కొద్ది సెకన్ల పాటు పైకి లేచి వెంటనే క్రాష్ అవ్వడం, దట్టమైన పొగ, మంటలు స్పష్టంగా కనిపిస్తున్నాయి. ఇది నిజంగా విజయమేనా..? నెటిజన్లు మాత్రం ఇదొక “చోద్యం” అంటూ సెటైర్లు వేస్తున్నారు.