Indian Railway: దేశంలోని ఈ రైల్వే స్టేష‌న్‌ల‌లో ఈ ఆహార ప‌దార్థాలు చాలా ఫేమస్..!
Indian Railway: దేశంలో అతిపెద్ద ర‌వాణా వ్య‌వ‌స్థ ఇండియ‌న్ రైల్వే. రైల్వే ప్రయాణం చాలా ఆహ్లాద‌క‌రంగా ఉంటుంది.
Indian Railway: దేశంలో అతిపెద్ద ర‌వాణా వ్య‌వ‌స్థ ఇండియ‌న్ రైల్వే. రైల్వే ప్రయాణం చాలా ఆహ్లాద‌క‌రంగా ఉంటుంది. వివిధ స్టేష్‌న్‌ల‌లో రైలు ఆగుతూ వెళ్ల డాన్ని ప్ర‌యాణికులు బాగా ఎంజాయ్ చేస్తారు. అంతేకాదు ఇండియాలో కొన్ని రైల్వే స్టేష‌న్‌ల‌లో కొన్ని ఆహార ప‌దార్థాలు ఫేమస్. ఆ రైల్వేస్టేష‌న్ వెళ్లిన ప్ర‌యాణికులు వాటిని తిన‌కుండా ఉండ‌లేరు. అలా ఏ ఏ రైల్వేస్టేష‌న్‌ల‌లో ఏ ఏ ఆహార ప‌దార్థాలు ఫేమస్ అయ్యాయో తెలుసుకుందాం.
1. జలంధర్ స్టేషన్
ఎప్పుడైనా పంజాబ్‌లోని జలంధర్ స్టేషన్లో రైలు ఆగితే తప్పనిసరిగా ఇక్కడ దొరికే చోలే-భతురాను తినాలి. ఇక్కడ చోలే భాతురే చాలా రుచిగా ఉంటుంది. ఆ రుచిని ఎప్పటికీ మ‌రిచిపోలేరు.
2. ఖడ్గూర్ రైల్వే స్టేషన్
పశ్చిమ బెంగాల్‌లోని ఖడ్గూర్ రైల్వే స్టేషన్లో స్పైసీ దమ్ ఆలూను ప్రతి ఒక్కరూ ఖచ్చితంగా రుచి చూడాలి. మీరు ఈ స్టేషన్‌కి వెళ్లిన‌ప్పుడు దమ్ ఆలూ సువాసన మిమ్మల్ని అస్స‌లు విడిచిపెట్ట‌దు. ఎందుకంటే ఆ వాస‌న అలాంటిది మ‌రి.
3. ఎర్నాకులం స్టేషన్
కేరళలోని ఎర్నాకులం జంక్షన్ స్టేషన్ కూడా ఆహారానికి ప్రసిద్ధి. మీరు ఇక్కడ చేసే కుడుములు తినాలి. పచ్చి అరటిపండు, పప్పు, మైదాతో చేసిన ప‌కోడీలు ఈ స్టేషన్లో చాలా ఫేమస్.
4. రత్లాం రైల్వే స్టేషన్
మీరు ఎప్పుడైనా రత్లాం రైల్వే స్టేషన్ గుండా వెళితే ఇక్కడ దొర‌కే పోహా తినాలని గుర్తుంచుకోండి. సెవ్, పచ్చి ఉల్లిపాయ, తేలికపాటి నిమ్మరసంతో చేసిన ఈ పోహా రుచి జీవితాంతం గుర్తుండిపోతుంది.
5. అబూ రోడ్ రైల్వే స్టేషన్
రాజస్థాన్‌లోని అబు రోడ్ రైల్వే స్టేషన్లో ప్రజలు తమ చేతిలో రబ్దీ ప్లేట్‌తో తరచుగా కనిపిస్తారు. ఈ రబ్డీ రుచి చాలా ప్రత్యేకమైనది. మీరు ఒక్కసారి దీనిని తింటే పదే పదే తినాల‌నిపిస్తుంది.
6. మధురై స్టేషన్
కర్నాటకలోని మధురై స్టేషన్ లో దొరికే మద్దూరు వడ కూడా చాలా ఫేమస్. ప్రతి ఒక్కరూ జీవితంలో వీటిని ఒక్కసారైనా తినాలి.