కరోనా మహమ్మారి ఎంత ప్రమాదకారో ఇప్పటికే అందరికీ తెలిసింది. కరోనా వ్యాధి సోకిందో లేదో తెలుసుకోవాలన్నా ప్రస్తుతం ఎంతో ఇబ్బందికరంగా ఉంది. ప్రభుత్వమే కరోనా సోకిందో లేదో తెలియడం కోసం పరీక్షలు నిర్వహిస్తూ వస్తోంది. అయితే, ఈ పరీక్షల కోసం ముందుకు రావడానికీ ప్రజలు జంకుతున్నారు. ఒక్కసారి ఆసుపత్రికి కరోనా లక్షణాలతో పరీక్షల కోసం వెళితే, చుట్టుపక్కల వారు తమకు కరోనా ఉన్నా లేకపోయినా అనుమానపు చూపులు చూస్తారనేది ప్రధాన భయంగా మారింది. ఇప్పడు ఈ పరిస్త్తితులకు చెక్ పెట్టె అవకాశం వచ్చిందని చెబుతున్నారు.
బెంగళూరు కేంద్రంగా పనిచేసే బయోనె అనే సంస్థ తాము ఇంట్లోనే సులువుగా కరోనా వ్యాది సోకిందో లేదో నిర్ధారించే పరికరాన్ని రూపొందించినట్టు చెబుతోంది. ఈ కిట్లతో పరీక్షల్లో కచ్చితమైన ఫలితాలు వస్తాయని అంటోంది. ఇప్పటికే ఈ కితల విషయంలో భారత వైద్య పరిశోధన మండలి (ICMR) అనుమతి కూడా లభించిందని ఆ సంస్థ ప్రతినిధులు అంటున్నారు. ప్రపంచ వ్యాప్తంగా ఉన్న తమ భాగస్వామ్య సంస్థలతో కల్సి ఈ కిట్లను రూపొందించినట్టు సంస్థ తెలిపింది. త్వరలోనే మరిన్ని నాణ్యత పరమైన కఠిన పరిశీలనలను జరిపిన్ తరువాత మార్కెట్లోకి తీసుకువస్తామని ఆ ప్రతినిధులు చెప్పారు. బయోనె సంస్థ జన్యు, సూక్ష్మజీవుల పరిణామాలకు సంబంధించి పలు పరీక్షలను, పరిశోధనలను సాగిస్తోంది.