SSMB29: మహేష్ సినిమాలో ప్రియాంక హీరోయిన్ కాదా.. విలనా?

SSMB29: రాజమౌళి డైరెక్షన్‌లో మహేష్ బాబు హీరోగా నటిస్తున్న సినిమా SSMB29. అత్యంత భారీ బడ్జెట్‌లో ఈ మూవీ తెరకెక్కుతోంది. మూవీకి సంబంధించిన ఒక్క అప్డేట్ కూడా ఇవ్వకుండా, సైలెంట్‌గా షూటింగ్ కానిచ్చేస్తున్నారు. సెట్స్ నుంచి ఎలాంటి వార్త లీక్ కాకుండా జాగ్రత్త పడుతున్నారు. అయితే రాజమౌళి ఈ సినిమా ప్రకటించినప్పటి నుంచి ఏదో ఒక వార్త వైరల్ అవుతోంది. తాజాగా ఈ సినిమాలో ప్రియాంక హీరోయిన్‌ కాదనే వార్త బయటకు వచ్చింది. దీంతో ఇప్పటివరకు ఆమెనే మహేష్ బాబు సరసన హీరోయిన్ గా కనిపిస్తుందని ఫిక్స్ అయిన వాళ్లంతా మళ్లీ ఇదేం ట్విస్ట్ అని షాక్ అవుతున్నారు.

SSMB29 గురించి రాజమౌళి ఇప్పటి వరకు పెదవి విప్పలేదు. కానీ సినిమాలో హీరోయిన్ ఎవరు, విలన్ ఎవరు అనే చర్చ జరుగుతూనే ఉంది. అయితే ఈ మూవీలో ప్రియాంక హీరోయిన్ అంటూ మొదటి నుంచి ప్రచారం జరిగింది. ఇటీవల ప్రియాంక హైదరాబాద్‌కు రావడంతో ఆమె సినిమా షూటింగ్ కోసం వచ్చారన్న వార్త నెట్టింట చక్కర్లు కొట్టింది. అంతేకాదు ప్రత్యేకంగా వేసిన సెట్స్‌లో షూటింగ్ జరుగుతుందన్నట్టు తెలుస్తోంది. కానీ ఇంత చర్చ జరుగుతున్నప్పటికీ రాజమౌళి మాత్రం సినిమాకు సంబంధించిన ఒక్క విషయాన్ని కూడా బయటకు రానివ్వడం లేదు.

ఈ సినిమాలో మలయాళ స్టార్ హీరో పృథ్వీరాజ్ సుకుమారన్ పేరు వినిపించింది. అలాంటిదేమీ లేదని పృథ్వీరాజ్ క్లారిటీ ఇచ్చారు. మహేష్ బాబు సరసన హీరోయిన్‌గా ప్రియాంక చోప్రాను తీసుకున్నారనే వార్త గట్టిగా వినిపించింది. అయితే అందరూ అనుకున్నట్టు ప్రియాంక హీరోయిన్‌ కాదట. ఈ సినిమాలో లేడీ విలన్‌గా నటిస్తున్నారని సమాచారం. అందుకు సంబంధించిన లుక్ టెస్ట్ కూడా పూర్తి చేశారని తెలుస్తోంది.

ఈ కొత్త లీకేజ్ అప్‌డేట్‌తో ఈ సినిమాలో హీరోయిన్ ఎవరు అనే విషయం మరోసారి చర్చకు దారి తీసింది. అయితే హీరోయిన్‌గా హాలీవుడ్ బ్యూటీని తీసుకునేందుకు మూవీ టీమ్ పరిశీలిస్తుందని సమాచారం. బాలీవుడ్ స్టార్ జాన్ అబ్రహం‌ను ఓ ప్రత్యేకమైన పాత్ర కోసం సంప్రదింపులు చేస్తున్నట్టు తెలుస్తోంది.