Ramabanam: వివాదంలో గోపిచంద్ నటించిన రామబాణం సినిమా పాట.. ఆ పాట నాదే అంటూ జానపద గాయకుడు..

Ramabanam: గోపిచంద్ హీరోగా నటించిన రామబాణం సినిమా ఓ వివాదంలో చిక్కుకుంది. రామబాణం సినిమాలో ఐఫోన్ పిల్ల.. అంటూ సాగే ఓ పాట ఉంది. ఈ పాట ప్రేక్షకులని బాగా అలరించింది. ఇందులో నా ప్రాణం ఆగదే పిల్ల.. అనే లైన్ ఉంది. తాజాగా కరీంనగర్ కు చెందిన జానపద గాయకుడు గొల్లపల్లి రవీందర్ ఈ పాట నాదే, ట్యూన్ నాదే అంటూ మీడియా ముందుకు వచ్చారు.

తాను గత 30 ఏళ్లుగా పాటలు పాడుతున్నానని. 1992లో చేతికి గాజులు పిల్లో.. అనే పాట రాశానని చెబతున్నారు. అప్పట్లో ఆ పాట బాగా హిట్ అయిందని అంటున్నారు. ఆ పాటలోని లైన్‌ని, ట్యూన్‌ని రామబాణం యూనిట్ వాళ్ళు ఎలాంటి సమాచారం ఇవ్వకుండా వాడుకున్నారని ఆరోపిస్తున్నారు. మూడు రోజుల్లోగా మ్యూజిక్ డైరెక్టర్ కానీ, చిత్ర యూనిట్ కానీ దీనిపై తనకు వివరణ ఇవ్వాలి లేకపోతే లీగల్ గా వెళ్తానంటున్న గొల్లపల్లి రవీందర్‌.