National Film Awards: చరిత్ర సృష్టించిన అల్లు అర్జున్.. జాతీయ అవార్డు అందుకున్న ఐకాన్‌ స్టార్..

National Film Awards 2023: 69వ జాతీయ చలనచిత్ర అవార్డుల ప్రదానోత్సవ కార్యక్రమం ఢిల్లీలో ఘనంగా జరుగుతోంది. టాలీవుడ్‌ ఐకాన్‌ స్టార్ అల్లు అర్జున్‌ చరిత్ర సృష్టించారు. తెలుగు సినిమా చరిత్రలోనే తొలిసారిగా జాతీయ ఉత్తమ నటుడి పురస్కారం అందుకున్నారు. రాష్ట్రపతి ద్రౌపతి ముర్ము చేతుల మీదుగా తెలుగు హీరో అల్లు అర్జున్ అవార్డు అందుకున్నాడు. 'పుష్ప' చిత్రానికి గానూ ఉత్తమ నటుడిగా ఈ అవార్డు సొంతం చేసుకున్నాడు. ఇక అల్లు అర్జున్‌ అవార్డు తీసుకుంటున్న వీడియో ప్రస్తుతం సోషల్ మీడియాను ఊపేస్తుంది.