Live Blog: ఈరోజు (మే-26-మంగళవారం) ఆంధ్రప్రదేశ్-తెలంగాణా బ్రేకింగ్ న్యూస్!

తెలుగుదేశం ప్రభుత్వ హయాంలో నిరర్థక ఆస్తుల అమ్మకాలపై తిరుమల తిరుపతి దేవస్థానం (టీటీడీ) బోర్డు తీసుకున్న నిర్ణయాన్ని నిలుపుదల చేస్తూ రాష్ట్ర ప్రభుత్వం తీసుకున్న నిర్ణయంపై  సినీ నటుడు నాగబాబు స్పందించారు.

టీటీడీ భూముల అమ్మకాన్ని నిలివేసిన ముఖ్యమంత్రి వైఎస్‌ జగన్‌మోహన్‌రెడ్డికి అభినందనలు తెలిపారు.

ఈ మేరకు ట్వీటర్‌లో ఓ పోస్ట్‌ చేశారు. ‘టీటీడీ భూముల అమ్మకాన్ని నిలిపివేసిన సీఎం జగన్‌మోహన్ రెడ్డి గారికి అభినందనలు. అలాగే పింక్ డైమండ్ గురించి కూడా ఎంక్విరీ చేసి నిజాలను నిగ్గు తేల్చండి. థాంక్యూ యు సీఎం గారు’ అని ట్వీట్‌ చేశారు.

* ఈ రోజు 71 పాజిటివ్ కేసులు నమోదయ్యాయి.

* రాష్ట్రంలో కేసుల సంఖ్య 1,991కి చేరింది.

* ప్రస్తుతం 650 వివిద ఆసుపత్రులలో చికిత్స పొందుతున్నారు.

* ఈ రోజు 120 మంది డిశ్చార్జి

* మొత్తంగా 1284 మంది రికవరీ అయ్యారు.

* ఈ రోజు నమోదైన కేసుల్లో 38 జీహెచ్‌ఎంసీ పరిధిలోనివి

- తూర్పు గోదావరి జిల్లా జగ్గంపేట నియోజకవర్గంగండేపల్లి మండలం పరిధిలో 2 ఐ సర్ వ్యాను లపై తరలిస్తున్న గంజాయి పట్టివేత

- ఐదు లక్షలు విలువచేసే 200 కేజీల గంజాయిని పట్టుకున్న పోలీసులు

- నలుగురు నిందితులను అదుపులోకి తీసుకున్నారు వీరి వద్దనుండి 150000 నగదు, 4 సెల్ ఫోన్లు స్వాధీనం చేసుకున్నారు

- వీరిని మీడియా ముందు ప్రవేశపెట్టిన పెద్దాపురం డిఎస్పి అరిటాకులు శ్రీనివాస్, జగ్గంపేట సి ఐ వై రాంబాబు, ఎస్సై తిరుపతిరావు

- అర్చకులు, పాస్టర్లు, ఇమామ్‌లు, మౌజన్‌లకు రూ. 5 వేల చొప్పున వన్‌టైం సహాయం

- తాడేపల్లి క్యాంప్‌ కార్యాలయంలో కంప్యూటర్‌ బటన్‌ నొక్కి నేరుగా వారి అకౌంట్లలో నగదు జమ చేసిన సీఎం  వైఎస్‌ జగన్‌

- కార్యక్రమానికి హజరైన దేవాదాయశాఖ మంత్రి వెలంపల్లి శ్రీనివాసరావు, ఎమ్మెల్యే మల్లాది విష్ణు, చీఫ్‌ సెక్రటరీ నీలం సాహ్ని, ప్రభుత్వ ఉన్నతాధికారులు, అర్చకులు, పాస్టర్లు, ఇమామ్‌లు, మౌజమ్‌లు

- ప్రత్యేక ప్రార్ధనలు చేసి సీఎం  వైఎస్‌ జగన్‌ను ఆశీర్వదించిన అర్చకులు, పాస్టర్లు, ఇమామ్‌లు

- ఈ కార్యక్రమం ద్వారా 33,803 మంది అర్చకులు, 29,841 మంది పాస్టర్లు, 13,646 మంది ఇమామ్‌లు, మౌజమ్‌లకు లబ్ది, రూ. 37.71 కోట్ల నగదు సాయం అందించిన ప్రభుత్వం

టీడీపీ ఎమ్మెల్యేలు వైసీపీలో చేరుతారన్న ప్రచారాన్ని ఖండించిన మంత్రి బాలినేని ...

పర్చూరుఎమ్మెల్యే ఏలూరు సాంబశివరావు విషయంలో ఉదయం నుంచి వస్తున్న వార్తల్లో వాస్తవం లేదు..

తనను ఏ నాయకుడు కలవలేదని .తనతో ఎవరు చర్చలు జరపలేదు అని స్పష్టం చేసిన మంత్రి బాలినేని శ్రీనివాసులురెడ్డి