Drinking Water : ఏ కాలంలో ఏ పాత్రలో నీరు తాగాలి? ఈ చిట్కాలు పాటిస్తే ఆరోగ్యానికి మంచిది!

Drinking Water : మనుషులకు నీరు ఎంత ముఖ్యమో తెలిసిందే. శరీరాన్ని డీహైడ్రేషన్ నుంచి కాపాడటానికి, ఆరోగ్య సమస్యలు రాకుండా ఉండటానికి వైద్యులు నీరు ఎక్కువగా తాగమని సలహా ఇస్తారు. కానీ, నీటితో పాటు, ఆ నీరు ఏ పాత్రలో తాగుతున్నామో కూడా అంతే ముఖ్యం. ఏ కాలంలో ఏ పాత్రలో నీరు తాగితే ఆరోగ్యానికి మంచిదో ఇక్కడ తెలుసుకుందాం.

వేసవిలో మట్టి కుండలో నీరు

వేసవిలో చల్లని నీరు తాగడానికి చాలామంది ఫ్రిజ్​లో పెట్టిన నీరు తాగుతారు. కానీ ఇది ఆరోగ్యానికి అంత మంచిది కాదు. దీనికి బదులుగా, మట్టి కుండలో నిల్వ చేసిన నీరు తాగడం ఉత్తమం. మట్టి కుండలో నిల్వ చేసిన నీరు సహజంగా చల్లగా ఉంటుంది. మట్టిలో ఉండే ఖనిజాలు నీటి నాణ్యతను పెంచుతాయి. ఉదయం గోరువెచ్చని నీరు తాగడం వల్ల శరీరం డీటాక్స్ అవుతుంది. బరువు తగ్గడానికి సహాయపడుతుంది. అలాగే, ఇది ముఖానికి సహజమైన మెరుపును ఇస్తుంది.

వర్షాకాలంలో రాగి పాత్రలో నీరు

వర్షాకాలంలో బ్యాక్టీరియా, ఇన్ఫెక్షన్ల ప్రమాదం ఎక్కువగా ఉంటుంది. ఈ కాలంలో రాగి పాత్రలో నిల్వ చేసిన నీరు తాగడం సురక్షితం, ఆరోగ్యకరం. రాగి నీటిలో ఉండే హానికరమైన బ్యాక్టీరియాను తొలగిస్తుంది. ఇందులో యాంటీఆక్సిడెంట్, యాంటీ ఇన్ఫ్లమేటరీ, యాంటీ-క్యాన్సర్ లక్షణాలు ఉన్నాయి. రాత్రి రాగి పాత్రలో నిల్వ చేసిన నీరు తాగడం వల్ల శరీరంలోని విష పదార్థాలు బయటకు వెళ్లిపోతాయి. ఇది రోగనిరోధక శక్తిని పెంచుతుంది. వర్షాకాలంలో వచ్చే రోగాల నుంచి రక్షిస్తుంది.

చలికాలంలో బంగారు పాత్రలో నీరు

చలికాలంలో శరీరానికి వేడి, రోగనిరోధక శక్తి అవసరం. ఈ సమయంలో బంగారు పాత్రలో నీరు తాగడం చాలా మంచిది. ఒకవేళ బంగారు పాత్ర లేకపోతే, ఇతర పాత్రలలో నీరు తాగుతూ, అందులో బంగారు ఉంగరం లేదా ఇంకేదైనా బంగారు వస్తువును వేసుకోవచ్చు. ఈ నీరు ఒత్తిడి, నిద్రలేమి, నెగటివ్ ఆలోచనలను తగ్గించడంలో సహాయపడుతుంది. దగ్గు, జలుబు, జ్వరం వంటి కాలానుగుణ వ్యాధుల నుంచి ఉపశమనం ఇస్తుంది.