చిరుధాన్యాల్లో ఒకటైన అరికెలు పోషకాహారాలు. అరికెల్లో ప్రోటీన్లు 13 గ్రాములు, కొవ్వు 1.1 గ్రాము, కాల్షియం 63.6 మిల్లీ.గ్రాములు, భాస్వరం 244.3 మిల్లీ.గ్రాములు ఇనుము 1.6 గ్రాములు ఉంటాయి.
కావల్సిన పదార్ధాలు :
అరికలు : 100 గ్రాములు
మినపప్పు : 100 గ్రాములు
ఇడ్లీ రవ్వ : 100 గ్రాములు
ఉప్పు : సరిపడినంత
తయారీ విధానం :
ముందుగా అరికలు, మినపప్పు, ఇడ్లీరవ్వలు మూడింటిని వేరువేరుగా నానబెట్టుకోవాలి. ఇలా నానబెట్టిన అరికలు, మినపప్పు రెండింటిని కలిపి మెత్తగా రుబ్బుకోవాలి. ఈ మిశ్రమంలో ముందుగా నానబెట్టి పెట్టుకున్న ఇడ్లీ రవ్వను వేసి ఒక రాత్రి ఉంచాలి. తరువాత రోజు ఆ మిశ్రమంలో ఉప్పు కలిపి ఇడ్లీలు వేసుకోవాలి..ఎంతో ఆరోగ్యవంతమైన, పోషకాలతో కూడిన అరికల ఇడ్లీ రెడీ.