Tata Curvv Dark Edition Launch: టాటా కర్వ్ డార్క్ ఎడిషన్.. 2025 ఐపీఎల్ కారు ఇదే.. ఫీచర్స్ ఎలా ఉన్నాయంటే..!

Tata Curvv Dark Edition Launch: టాటా మోటార్స్ తన కొత్త కర్వ్ ఎస్‌యూవీని పూర్తి శక్తితో మార్కెట్లోకి విడుదల చేయడానికి సన్నాహాలు చేస్తోంది. మార్కెట్ వర్గాల సమాచారం ప్రకారం, కంపెనీ త్వరలో టాటా కర్వ్ డార్క్ ఎడిషన్‌ను పరిచయం చేయవచ్చని పేర్కొంది. మరో ముఖ్యమైన విషయం ఏమిటంటే.. ఇదే ఈసారి IPL 2025 అధికారిక కారు కూడా కావచ్చు. దీనితో పాటు, టాటా మోటార్స్ కర్వ్వ్ బ్రాండ్ అంబాసిడర్‌గా బాలీవుడ్ సెలబ్రిటీని కూడా ఎంపిక చేసింది. టాటా కర్వ్ డార్క్ ఎడిషన్ ఎస్‌యూవీ ఫీచర్ల గురించి ఇప్పుడు తెలుసుకుందాం.

Tata Curvv Dark Edition Features

IPL 2025 త్వరలో ప్రారంభం కానుంది, ఈ సంవత్సరం అధికారిక కారు Tata Curvv Dark Edition కావచ్చు. ఇంతకుముందు, టాటా పంచ్ EV IPL 2024లో అధికారిక కారుగా అందించారు. టాటా ఇతర డార్క్ ఎడిషన్ కార్లలో కనిపించే విధంగా డార్క్ ఎడిషన్‌తో కర్వ్ మరింత బోల్డ్, ఆకర్షణీయమైన రూపాన్ని ఇవ్వనున్నట్లు చెబుతున్నారు. ఈ కారు హైపెరియన్ 1.2L టర్బో పెట్రోల్ GDI ఇంజన్,క్రియోటెక్ 1.5L టర్బో డీజిల్ ఇంజన్ ఆప్షన్‌లతో వస్తుంది.

Tata Curvv Dark Edition Design

పేరుకు తగ్గట్టుగా ఈ కారు అట్లాస్ బ్లాక్ షేడ్‌లో కనిపిస్తుంది. అలానే గ్లోస్ బ్లాక్ ఫినిషింగ్‌తో వస్తుంది. ఈ కారులో 18-అంగుళాల డ్యూయల్-టోన్ బ్లాక్, మెటాలిక్ అల్లాయ్ వీల్స్‌తో అందించారు. అలానే ఫ్లష్ డోర్ హ్యాండిల్స్, స్లోపింగ్ కూపే రూఫ్‌లైన్, ఎల్ఈడీ లైటింగ్, పవర్డ్ టెయిల్‌గేట్, బ్లాక్ బాడీ క్లాడింగ్ వంటి గొప్ప ఫీచర్లు కూడా ఉంటాయి.

Tata Curvv Dark Edition Interior

కారు లోపల బ్లాక్ కలర్ డీ-క్రోమ్డ్ లుక్‌లో కనిపిస్తుంది. డాష్‌బోర్డ్, అప్హోల్స్టరీ డార్క్ షేడ్‌లో ఫినిష్ చేశారు, ఇది స్పోర్టీ లుక్‌ని ఇస్తుంది. ఇది మాత్రమే కాకుండా, మీరు ఈ వాహనంలో 12.3-అంగుళాల ఇన్ఫోటైన్‌మెంట్ స్క్రీన్, 10.2-అంగుళాల డిజిటల్ ఇన్‌స్ట్రుమెంట్ క్లస్టర్‌ను చూస్తారు. స్క్రీన్ పూర్తి-స్క్రీన్ నావిగేషన్‌కు సపోర్ట్ ఇస్తుంది.

Tata Curvv Dark Edition Features

స్టీరింగ్ వీల్‌పై ఇల్యూమినేటెడ్ టాటా లోగో కనిపిస్తుంది. వెంటిలేటెడ్ సీట్లు, పవర్డ్ డ్రైవర్ సీటు దీనిని మరింత ప్రత్యేకం చేస్తుంది. అలాగే, 360-డిగ్రీ కెమెరా, ADAS లెవెల్-2 భద్రతా ఫీచర్లు కారులో కనిపిస్తాయి. ఇది కాకుండా, కారులో పనోరమిక్ సన్‌రూఫ్, యాంబియంట్ లైటింగ్, ప్రీమియం ఆడియో సిస్టమ్ ఉన్నాయి.