బెజవాడలో ప్రైవేట్ స్కూల్ బస్సు బీభత్సం సృష్టించింది. శారద కళాశాల సమీపంలో శ్రీ చైతన్య స్కూలు బస్ ఆటోలు,బైక్‌లను ఢీకొట్టింది. దీంతో ఆటో డ్రైవర్ సహా ఇద్దరు వ్యక్తులు తీవ్రంగా గాయపడ్డారు. వారిని దగ్గరలోని ఆసుపత్రికి తరలించారు. ప్రమాదం జరిగినా కూడా ఆ బస్సు ఎక్కడ ఆగకుండా వెళ్లిపోయింది. దీంతో స్థానికులు బస్సును వెంబడించారు. ఈఘటనలో బస్సులోని ముగ్గురు విద్యార్ధులకు కూడా తీవ్ర గాయాలయ్యాయి. ఘటన జరిగిన సమయంలో బస్సులో 20 మంది పైగానే విద్యార్ధులు ఉన్నట్టు సమాచారం. సీసీటీవీలో ఈ దృశ్యాలు రికార్డు అయ్యాయి. సమాచారం అందుకున్న పోలీసులు కేసు నమోదు చేసి బస్సును సీజ్ చేసినట్టు తెలుస్తోంది.