Veerasaram: ఆక్వా రైతుల సంబరాలు.. సీఎం చంద్రబాబు చిత్రపటానికి పాలాభిషేకం!

Veerasaram: పశ్చిమగోదావరి జిల్లా వీరవాసరం సెంటర్‌లో జిల్లా ఆక్వా రైతు సంఘం ఆధ్వర్యంలో ఆక్వా రైతులు సంబరాలు జరుపుకున్నారు. ముఖ్యమంత్రి నారా చంద్రబాబునాయుడు, ఉప ముఖ్యమంత్రి పవన్ కళ్యాణ్ చిత్రపటాలకు పాలాభిషేకం చేసి తమ కృతజ్ఞతలు తెలిపారు.

​ఆక్వా చెరువులకు రూపాయిన్నరకే సబ్సిడీ విద్యుత్ అందిస్తామని కూటమి ప్రభుత్వం ప్రకటించడం పట్ల ఆక్వా రైతులు హర్షం వ్యక్తం చేశారు. ఆక్వా, నాన్ ఆక్వా జోన్లతో సంబంధం లేకుండా అందరికీ ఈ సబ్సిడీ వర్తింపజేయడం, అలాగే గత ప్రభుత్వం నిలిపివేసిన 12,500 కనెక్షన్లకు కూడా విద్యుత్ సబ్సిడీని పునరుద్ధరించడంపై ఆనందం వ్యక్తం చేశారు. ఎన్నికల సమయంలో ఇచ్చిన హామీని సీఎం చంద్రబాబు నెరవేర్చారని రైతులు కొనియాడారు.

​ఇదే సమయంలో రొయ్యల ఫీడ్ (మేత) ధరలు పెరగకుండా చర్యలు తీసుకోవాలని సీఎం చంద్రబాబు ఇప్పటికే ఆదేశాలు ఇచ్చారని తెలిపిన రైతులు, ప్రభుత్వం ఫీడ్ ధరలను మరింత నియంత్రించి, మరింత తగ్గించేలా చర్యలు తీసుకోవాలని కోరారు.

​ఈ కార్యక్రమంలో జిల్లా ఆక్వా రైతు సంఘం అధ్యక్షుడు తులసీ రాంబాబు, రైతు హరిబాబు వీరవల్లి చంద్ర శేఖర్ ఆక్వా రైతు సంఘం నాయకులు, రైతులు పెద్ద సంఖ్యలో పాల్గొన్నారు.