Mahabubabad: పెద్ద తండాలో ఆటో నడిపిన మాజీ మంత్రి సత్యవతి రాథోడ్!

Mahabubabad: మహబూబాబాద్ జిల్లా, కురవి మండలం పెద్ద తండాలో నిర్వహించిన నిరసన కార్యక్రమంలో మాజీ మంత్రి సత్యవతి రాథోడ్ స్వయంగా ఆటో నడిపి పాల్గొన్నారు. ఆటో డ్రైవర్ల సమస్యలకు మద్దతుగా చేపట్టిన నిరసనలో భాగంగా ఆమె ఆటో స్టీరింగ్ చేపట్టడం ప్రత్యేక ఆకర్షణగా నిలిచింది.

ఆటో డ్రైవర్లకు ప్రభుత్వం అండగా నిలవాలని, వారి సమస్యలను పరిష్కరించేందుకు చర్యలు తీసుకోవాలని ఈ సందర్భంగా నాయకులు డిమాండ్ చేశారు. మాజీ మంత్రి సత్యవతి రాథోడ్ ఆటో నడుపుతూ నిరసనలో పాల్గొనడంతో కార్యక్రమానికి హాజరైన కార్యకర్తలు, స్థానికులు ఆసక్తిగా తిలకించారు.