Parvathipuram: టెన్త్, ఇంటర్ ప్రతిభావంతులకు పురస్కారాలు: కలెక్టర్!

​పార్వతీపురం: ఈ ఏడాది పదవ తరగతి, ఇంటర్ ఫలితాలలో అద్భుతమైన ప్రతిభ కనబరిచి, జిల్లాకు మంచి పేరు తెచ్చిన విద్యార్థులను అభినందిస్తూ, ప్రోత్సహించేలా విద్యా శాఖ ఆధ్వర్యంలో "షైనింగ్ స్టార్స్ - 2026" పేరిట గౌరవ సత్కార కార్యక్రమాన్ని ఏర్పాటుచేసినట్లు జిల్లా కలెక్టర్ డా. ఎన్.ప్రభాకరరెడ్డి పేర్కొన్నారు.

ఈ మేరకు శనివారం ఒక ప్రకటన విడుదల చేశారు. జూలై 20వ తేదీ సోమవారం ఉదయం 9:00 గంటల నుండి బెలగాం పరిధిలోని గెడ్డవీధి చివరన గల అనూ కన్వెన్షన్ హాల్ నందు అత్యంత వైభవంగా నిర్వహించనున్నట్లు కలెక్టర్ తెలిపారు. ​కావున జిల్లాలో ఉత్తమ ప్రతిభ కనబరిచిన విద్యార్థులు, వారి తల్లిదండ్రులు, విద్యాసంస్థల ప్రతినిధులు మరియు ప్రజాప్రతినిధులు అందరూ నిర్ణీత సమయానికి ఈ కార్యక్రమానికి విచ్చేసి, విద్యార్థులను ఆశీర్వదించి ఈ సత్కార మహోత్సవాన్ని విజయవంతం చేయాల్సిందిగా జిల్లా కలెక్టర్ ఆ ప్రకటనలో కోరారు.