Madhurawada: మధురవాడ ది గ్లోబ్ స్కూల్‌లో ఘనంగా ఉపాధ్యాయ దినోత్సవ వేడుకలు

విశాఖపట్నం: మధురవాడ అయోధ్యనగర్‌లోని ది గ్లోబ్ స్కూల్లో డాక్టర్ సర్వేపల్లి రాధాకృష్ణన్ జయంతిని పురస్కరించుకుని ఉపాధ్యాయ దినోత్సవ వేడుకలు ఘనంగా నిర్వహించారు. ఈ సందర్భంగా పాఠశాల ప్రాంగణంలో సందడి నెలకొంది. విద్యార్థులు తమ గురువుల పట్ల కృతజ్ఞతను చాటుకుంటూ ప్రత్యేక కార్యక్రమాలు నిర్వహించారు.

ఈ కార్యక్రమానికి పాఠశాల చైర్మన్ బి.వి. రావు, కరస్పాండెంట్ అనురాధ, ప్రిన్సిపాల్ లలితతో పాటు ఉపాధ్యాయులు, విద్యార్థులు హాజరయ్యారు. ముందుగా డాక్టర్ సర్వేపల్లి రాధాకృష్ణన్ చిత్రపటానికి నివాళులర్పించి, ఆయన విద్యారంగానికి చేసిన సేవలను స్మరించుకున్నారు.

ఈ సందర్భంగా పాఠశాల యాజమాన్యం మాట్లాడుతూ.. విద్యార్థుల జీవితాలను తీర్చిదిద్దడంలో ఉపాధ్యాయుల పాత్ర ఎంతో గొప్పదని, గురువులు అందించే జ్ఞానం, మార్గదర్శకత్వం విద్యార్థుల భవిష్యత్తుకు బలమైన పునాది అవుతుందని పేర్కొన్నారు. విద్యార్థుల్లో క్రమశిక్షణ, నైతిక విలువలు, సృజనాత్మకతను పెంపొందించడంలో ఉపాధ్యాయులు కీలక పాత్ర పోషిస్తున్నారని తెలిపారు.

విద్యార్థుల సందడితో ప్రత్యేక ఆకర్షణ

ఉపాధ్యాయ దినోత్సవాన్ని పురస్కరించుకుని విద్యార్థులు తమ ఉపాధ్యాయులకు శుభాకాంక్షలు తెలియజేశారు. పలు సాంస్కృతిక కార్యక్రమాలు, ప్రసంగాలు, ప్రత్యేక ప్రదర్శనలతో వేడుకలను ఉత్సాహభరితంగా నిర్వహించారు. విద్యార్థుల ప్రదర్శనలు అందరినీ ఆకట్టుకున్నాయి.

“గురువు చూపే మార్గమే... విద్యార్థి విజయానికి తొలి మెట్టు” అన్న సందేశంతో నిర్వహించిన ఈ వేడుకలు ఆద్యంతం ఆనందోత్సాహాల మధ్య కొనసాగాయి.

ఈ కార్యక్రమంలో పాల్గొన్న పాఠశాల యాజమాన్యం, ఉపాధ్యాయులు, విద్యార్థులు పరస్పరం శుభాకాంక్షలు తెలియజేసుకున్నారు. గురువుల సేవలను గౌరవిస్తూ నిర్వహించిన ఈ ఉపాధ్యాయ దినోత్సవ వేడుకలు విజయవంతంగా ముగిశాయి..ఈ సందర్భంగా విద్యాసంస్థల వార్షిక ప్రాధాన్యతల్లో భాగంగా విద్యార్థులు, ఉపాధ్యాయులు కలిసి 'నాషా ముక్త్ భారత్ అభియాన్' (మత్తు పదార్థాల రహిత భారత్) ప్రతిజ్ఞ చేశారు.

​సమాజంలో మత్తు పదార్థాలు మరియు అలవాట్లకు దూరంగా ఉంటూ, ఆరోగ్యకరమైన భారత్‌ను నిర్మించడంలో ప్రతి ఒక్కరూ భాగస్వాములు కావాలని ఈ సందర్భంగా పిలుపునిచ్చారు.