Visakhapatnam: వేటకు వెళ్లి సముద్రంలో మత్స్యకారుడు గల్లంతు!

Visakhapatnam: ​సముద్రంలో వేటకు వెళ్లిన ఓ మత్స్యకారుడు ప్రమాదవశాత్తు గల్లంతయ్యాడు. జాలారిపేటకు చెందిన అప్పన్న తన సహచరులతో కలిసి ఈ నెల 16న బోటులో వేటకు వెళ్లాడు. తిరుగు ప్రయాణంలో విశాఖకు 11నాటికల్ మైళ్ల దూరంలో ఉండగా ఆయన సముద్రంలో పడిపోయినట్లు తోటి మత్స్యకారులు తెలిపారు. సమాచారం అందుకున్న మత్స్యశాఖ అధికారులు గాలింపు చర్యలు చేపట్టి, ఘటనకు గల కారణాలపై విచారణ జరుపుతున్నారు.