Anakapalle: అనకాపల్లిలో ఎస్సీ సమస్యలపై అర్జీల స్వీకరణ సదస్సు!

అనకాపల్లి: అనకాపల్లి నియోజకవర్గంలో ఎస్సీ సమస్యల పరిష్కారమే లక్ష్యంగా అర్జీల స్వీకరణ కార్యక్రమం నిర్వహించారు. అనకాపల్లిలోని ఎస్సార్ శంకర మీటింగ్ హాల్‌లో బుధవారం ఈ కార్యక్రమం జరిగింది.

ఆంధ్రప్రదేశ్ రాష్ట్ర ఎస్సీ కమిషన్ చైర్మన్ గౌరవ కేఎస్. జవహర్, ఎస్సీ కమిషన్ సభ్యులు రావాడ సీతారాం ఆధ్వర్యంలో ఎస్సీ వర్గాల నుంచి సమస్యలు, ఫిర్యాదులను స్వీకరించారు. ప్రజలు తమ సమస్యలను కమిషన్ దృష్టికి తీసుకురాగా, వాటి పరిష్కారానికి అవసరమైన చర్యలు చేపట్టేందుకు వివరాలను సేకరించారు.

ఈ కార్యక్రమంలో ఆంధ్రప్రదేశ్ రాష్ట్ర ఎస్సీ కార్పొరేషన్ డైరెక్టర్ సబ్బవరపు గణేష్ పాల్గొన్నారు. ఈ సందర్భంగా ఎస్సీ కమిషన్ చైర్మన్ కేఎస్. జవహర్‌ను శాలువాతో సత్కరించి, జ్ఞాపికను అందజేశారు. అనంతరం ఆయనను అభినందించారు.

ఎస్సీ వర్గాలకు సంబంధించిన సమస్యలను నేరుగా తెలుసుకుని, వాటి పరిష్కారానికి కమిషన్ ద్వారా చర్యలు తీసుకునే ఉద్దేశంతో ఈ అర్జీల స్వీకరణ కార్యక్రమాన్ని నిర్వహించినట్లు నిర్వాహకులు తెలిపారు.