News Analysis: సభకు రాకుండా ఫామ్‌హౌస్‌లో దాక్కుంటే ఎలా? కేసీఆర్‌పై కాంగ్రెస్ నేత కృష్ణతేజ ఫైర్!

News Analysis: తెలంగాణ రాజకీయాలు మరోసారి రసవత్తరంగా మారాయి. ప్రజా సమస్యలు, బడ్జెట్ కేటాయింపులు, ప్రధానంగా సాగునీటి ప్రాజెక్టుల వైఫల్యాలపై అధికార కాంగ్రెస్, ప్రతిపక్ష బీఆర్ఎస్ (BRS) పార్టీల మధ్య మాటల యుద్ధం ముదిరింది. ఈ నేపథ్యంలో ‘hmtv’ నిర్వహించిన ప్రత్యేక పొలిటికల్ అనాలిసిస్ డిబేట్‌లో కాంగ్రెస్ యువ నాయకుడు కృష్ణతేజ పాల్గొని గులాబీ పార్టీపై, ఆ పార్టీ అధినేత కేసీఆర్ వైఖరిపై తీవ్రస్థాయిలో విరుచుకుపడ్డారు. ప్రతిపక్ష హోదాలో ఉండి సభకు రాకుండా తప్పించుకుంటున్న మాజీ సీఎం కేసీఆర్.. ధైర్యముంటే తక్షణమే అసెంబ్లీకి వచ్చి చర్చల్లో పాల్గొనాలని సంచలన సవాల్ విసిరారు.

డిబేట్‌లో కాంగ్రెస్ నేత కృష్ణతేజ మాట్లాడుతూ.. తెలంగాణ ప్రజలు బీఆర్ఎస్ పార్టీకి ప్రతిపక్ష హోదా ఇచ్చింది అసెంబ్లీలో ప్రజా సమస్యలపై గళం విప్పడానికేనని గుర్తుచేశారు. "పదేళ్లు ముఖ్యమంత్రిగా ఉండి, ప్రస్తుతం ప్రతిపక్ష నాయకుడిగా ఉన్న కేసీఆర్ అసెంబ్లీ సమావేశాలకు రాకుండా ఫామ్‌హౌస్‌కే పరిమితం కావడం ప్రజాస్వామ్యాన్ని అవమానించడమే. కాంగ్రెస్ ప్రభుత్వంపై బయట ప్రెస్ మీట్‌లు పెట్టి విమర్శలు చేయడం కాదు.. దమ్ముంటే సభకు వచ్చి నిలదీయాలి. కాళేశ్వరం ప్రాజెక్ట్ వైఫల్యాలు, నిధుల దుర్వినియోగంపై మేము అడిగే ప్రశ్నలకు సమాధానం చెప్పలేకే కేసీఆర్ సభ ముఖం చూడటానికి భయపడుతున్నారు" అని కృష్ణతేజ ఘాటుగా విమర్శించారు.