News Analysis: నల్ల దుస్తులు సరే.. రోడ్లపై బట్టలు విప్పుకోవడం ఏంటండీ?: కాంగ్రెస్ నేత జితేందర్

News Analysis: తెలంగాణ అసెంబ్లీ సమావేశాలు, నిరసనలు మరియు రాజకీయ పరిణామాలపై HMTV నిర్వహించిన డిబేట్‌లో కాంగ్రెస్ సీనియర్ నేత జితేందర్ తీవ్రస్థాయిలో స్పందించారు. అసెంబ్లీ వెలుపల, లోపల జరుగుతున్న నిరసనల తీరుపై ఆయన పలు కీలక వ్యాఖ్యలు చేశారు.

చట్టసభల్లో చర్చించుకోవడానికి అనేక అంశాలు ఉన్నప్పటికీ, ప్రతిపక్షాలు నిరసనల పేరుతో హద్దుమీరుతున్నాయని జితేందర్ విమర్శించారు. నల్ల దుస్తులు ధరించి నిరసన తెలపడం వరకు ఓకే కానీ, రోడ్లపై బట్టలు విప్పుకోవడం ఏంటని ఆయన ప్రశ్నించారు. 40 ఏళ్ల రాజకీయ జీవితంలో ఎప్పుడూ ఇలాంటి ఘోరమైన దృశ్యాలు చూడలేదని, ఇది సభ్య సమాజం సిగ్గుపడేలా ఉందని మండిపడ్డారు.