News Analysis: పవర్ కోసం ఇంత చీప్ రాజకీయాలా? కాంగ్రెస్, బీఆర్ఎస్‌లపై బీజేపీ ఫైర్!

News Analysis: తెలంగాణ రాజకీయం ప్రస్తుతం క్షుద్ర పూజలు, లీగల్ నోటీసుల చుట్టూ తిరగడంపై భారతీయ జనతా పార్టీ (BJP) తీవ్ర అభ్యంతరం వ్యక్తం చేసింది. అధికారం కోసం, ఒకరిని ఒకరు తక్కువ చేసి చూపించుకోవడం కోసం అధికార కాంగ్రెస్, ప్రతిపక్ష బీఆర్ఎస్ నాయకులు చేసుకుంటున్న ఆరోపణలు అత్యంత చౌకబారుగా ఉన్నాయని బీజేపీ సీనియర్ నాయకుడు అల్జాపూర్ శ్రీనివాస్ విమర్శించారు. హెచ్‌ఎమ్‌టీవీ (HMTV) నిర్వహించిన ప్రత్యేక ‘న్యూస్ అనాలసిస్’ డిబేట్‌లో పాల్గొన్న ఆయన, ఈ అంశంపై ఘాటుగా స్పందించారు.

క్షుద్ర పూజలు చేశారంటూ ఆరోపణలు చేసుకోవడం, వెంటనే ప్రెస్ మీట్లు పెట్టడం, లీగల్ నోటీసులు పంపడం వంటివి ప్రజల జీవితాలకు ఏమాత్రం ఉపయోగపడని అంశాలని శ్రీనివాస్ స్పష్టం చేశారు. కేవలం పేపర్లు, టీవీల్లో పబ్లిసిటీ పొందేందుకే ఇలాంటి బేస్‌లెస్ చర్చలు పెడుతున్నారని ఆరోపించారు.