News Analysis: పెళ్లి చేయాలంటే కరెంట్ కూడా లేని పరిస్థితి: బిజెపి నేత తుల ఆంజనేయులు ఆగ్రహం

News Analysis: తెలంగాణలో రేవంత్ రెడ్డి నేతృత్వంలోని కాంగ్రెస్ ప్రభుత్వం పేద ప్రజలకు ఇచ్చిన హామీలను నెరవేర్చడంలో ఘోరంగా విఫలమైందని బిజెపి అధికార ప్రతినిధి తుల ఆంజనేయులు తీవ్ర స్థాయిలో ధ్వజమెత్తారు. 'hmtv' నిర్వహించిన న్యూస్ అనాలిసిస్ కార్యక్రమంలో పాల్గొన్న ఆయన, రాష్ట్రంలో కళ్యాణలక్ష్మి మరియు షాదీ ముబారక్ పథకాల అమలు నిలిచిపోవడం వల్ల పేదింటి కుటుంబాలు ఎదుర్కొంటున్న దుస్థితిని వివరించారు.

కాంగ్రెస్ పార్టీ ఎన్నికల సమయంలో ప్రజలను మభ్యపెట్టి ఓట్లు దండుకోవడానికే 420 హామీలు ఇచ్చిందని ఆంజనేయులు ఆరోపించారు. దేశంలో 1989లోనే తమిళనాడు ప్రభుత్వం వివాహ సహాయ నిధి పథకాన్ని ప్రవేశపెట్టిందని, ఆ తర్వాత తెలంగాణలో వచ్చిన ఈ పథకం పేదలకు ఎంతో ఊరట ఇచ్చిందని గుర్తుచేశారు. అయితే ప్రస్తుత కాంగ్రెస్ పాలనలో లబ్ధిదారులకు సమయానికి సాయం అందడం లేదన్నారు.