News Analysis: ప్రభుత్వ వైఫల్యానికి ఐపీఎస్ రంగనాథ్ బలిపశువు: బిజెపి నేత లక్ష్మీనారాయణ!

News Analysis: హైడ్రా కమిషనర్ ఏవీ రంగనాథ్‌పై తెలంగాణ హైకోర్టు తీవ్ర స్థాయిలో ఆగ్రహం వ్యక్తం చేయడం, ఆయనను వెంటనే పదవి నుంచి తొలగించాలని ప్రభుత్వాన్ని ఆదేశించడంపై బిజెపి సీనియర్ నేత, మాజీ ఎమ్మెల్యే యెండల లక్ష్మీనారాయణ స్పందించారు. ప్రభుత్వ నిర్వాహకానికి ఒక ఐపీఎస్ అధికారిని బలిపశువు చేశారని, 63 సార్లు కోర్టు ధిక్కరణకు పాల్పడటం ప్రభుత్వం యొక్క బాధ్యతారాహిత్యానికి నిదర్శనమని ఆయన మండిపడ్డారు. హెచ్‌ఎమ్‌టీవీ న్యూస్ అనాలసిస్ కార్యక్రమంలో పాల్గొన్న ఆయన ముఖ్యమైన అంశాలపై స్పందించారు.

హైడ్రా కమిషనర్ సొంతంగా ఎలాంటి నిర్ణయాలు తీసుకోలేరని, ప్రభుత్వం వెనుక ఉండి నడిపించడం వల్లే ఈ పరిస్థితులు వచ్చాయని స్పష్టం చేశారు. కోర్టుల నుంచి 63 సార్లు హెచ్చరికలు, ధిక్కరణ నోటీసులు వచ్చినా ప్రభుత్వం సమీక్షించకపోవడం వారి నిర్లక్ష్యానికి అద్దం పడుతోందన్నారు. చివరికి అధికారి రంగనాథ్‌ను ఈ వ్యవహారంలో బలి చేశారని ఆరోపించారు.