Srikalahasti: శ్రీకాళహస్తిలో విజిబుల్ పోలీసింగ్ డ్రోన్లతో నిఘా, 20 కేసులు!

Srikalahasti: శ్రీకాళహస్తి పట్టణంలో పోలీసులు విస్తృతంగా విజిబుల్ పోలీసింగ్ నిర్వహించారు. తిరుపతి జిల్లా ఎస్పీ శ్రీ ఎల్. సుబ్బరాయుడు, ఐపీఎస్ ఆదేశాల మేరకు పట్టణంలోని ప్రధాన ప్రాంతాల్లో పోలీసులు ఫుట్ పెట్రోలింగ్ చేపట్టారు.

ఆర్టీసీ బస్టాండ్, ప్రధాన కూడళ్లు, రద్దీ ప్రాంతాల్లో ప్రత్యేక తనిఖీలు నిర్వహించారు. అపరిచితులు, అనుమానాస్పద వ్యక్తుల కదలికలపై నిఘా ఉంచడంతో పాటు నిబంధనలు ఉల్లంఘించిన దుకాణదారులు, ఇతరులపై 20 పెటీ కేసులు నమోదు చేశారు.

మరోవైపు పట్టణంలోని రద్దీ ప్రాంతాలు, ప్రధాన ప్రదేశాలపై డ్రోన్ కెమెరాతో ప్రత్యేక పర్యవేక్షణ చేపట్టారు. అసాంఘిక కార్యకలాపాలను అరికట్టడంతో పాటు ప్రజలకు భద్రతా భావన కల్పించడమే లక్ష్యంగా పోలీసులు ఈ చర్యలు చేపట్టారు.

శ్రీకాళహస్తి పట్టణంలో శాంతిభద్రతల పరిరక్షణకు నిరంతరం అప్రమత్తంగా ఉంటామని పోలీసు అధికారులు తెలిపారు.

ఈ కార్యక్రమంలో శ్రీకాళహస్తి SDPO కే. నరసింహమూర్తి, సీఐలు వెంకటేశ్వర్లు, ఇబ్రహీం, లక్ష్మీనారాయణ, ఎస్‌ఐలు రామకృష్ణ, స్వాతి, ఇమాన్యుయేల్, బాలకృష్ణ, గోవిందుతో పాటు పోలీసు సిబ్బంది పాల్గొన్నారు.