Srikalahasti: ఎమ్‌జీఎమ్ చైర్మన్ మల్లికార్జున నాయుడు బర్త్‌డే వేడుకలు

శ్రీకాళహస్తి: MGM గ్రూప్ అధినేత గుడ్లూరు మల్లికార్జున నాయుడు జన్మదిన వేడుకలు బుధవారం శ్రీకాళహస్తిలో ఘనంగా నిర్వహించారు. ఈ సందర్భంగా ఇండియన్ రెడ్ క్రాస్ సొసైటీ, MGM గ్రూప్ సంయుక్త ఆధ్వర్యంలో MGM హాస్పిటల్స్‌లో మెగా రక్తదాన శిబిరం నిర్వహించారు.

ఈ శిబిరంలో సుమారు 103 మంది స్వచ్ఛందంగా రక్తదానం చేశారు. రక్తదానం చేసిన దాతలను నిర్వాహకులు అభినందించారు. ఈ సందర్భంగా MGM డైరెక్టర్ గుడ్లూరు ఐశ్వర్య మాట్లాడుతూ.. చైర్మన్ మల్లికార్జున నాయుడు సూచనలు, సలహాలతో MGM గ్రూప్ ఆధ్వర్యంలో అనేక సేవా కార్యక్రమాలు నిర్వహిస్తున్నామని తెలిపారు.

జన్మదిన వేడుకల సందర్భంగా MGM హాస్పిటల్స్‌లో ప్రజలకు ఉచిత OP సేవలు అందించడంతో పాటు, సాధారణంగా రూ.2,500 వరకు ఖర్చయ్యే *BMD (ఎముకల పటుత్వ పరీక్ష)*ను ఉచితంగా నిర్వహించామని చెప్పారు. సుమారు 250 మంది శ్రీకాళహస్తి ప్రజలు ఈ అవకాశాన్ని సద్వినియోగం చేసుకున్నారని తెలిపారు.

ఈ కార్యక్రమంలో ఇండియన్ రెడ్ క్రాస్ సొసైటీ చైర్మన్ డాక్టర్ శ్రీహరి, ఇండియన్ రెడ్ క్రాస్ సొసైటీ వైస్ చైర్మన్, MGM గ్రూప్ డైరెక్టర్ డాక్టర్ గుడ్లూరు మయూర్, రెడ్ క్రాస్ సొసైటీ సిబ్బంది, MGM గ్రూప్ కుటుంబ సభ్యులు తదితరులు పాల్గొన్నారు.

ప్రజా సేవే లక్ష్యంగా MGM గ్రూప్ ఆధ్వర్యంలో నిర్వహించిన రక్తదాన శిబిరం, ఉచిత వైద్య సేవలు, BMD పరీక్షలు ప్రజల నుంచి మంచి స్పందనను అందుకున్నాయి.