Renigunta: రేణిగుంటలో తుడా చైర్మన్ డాలర్ దివాకర్ రెడ్డి బర్త్‌డే

రేణిగుంట: తిరుపతి పట్టణ అభివృద్ధి సంస్థ (తుడా) చైర్మన్ డాలర్ దివాకర్ రెడ్డి జన్మదిన వేడుకలను రేణిగుంట పట్టణంలో అంగరంగ వైభవంగా నిర్వహించారు. ఈ వేడుకలను యువ నాయకులు సోము, ఎంజీ రెడ్డి , బుల్లెట్ రాజు ఆధ్వర్యంలో పెద్ద ఎత్తున ఏర్పాటు చేశారు.

ఈ సందర్భంగా భారీ కేక్‌ను కట్ చేసి నాయకులు, కార్యకర్తలు, అభిమానులు ఒకరికొకరు శుభాకాంక్షలు తెలియజేసుకున్నారు. అనంతరం వందలాది మందికి అన్నదాన కార్యక్రమాన్ని నిర్వహించి సామాజిక సేవా భావాన్ని చాటుకున్నారు. కార్యక్రమానికి హాజరైన ప్రజలు, పార్టీ నాయకులు, యువకులు డాలర్ దివాకర్ రెడ్డికి జన్మదిన శుభాకాంక్షలు తెలియజేస్తూ ఆయన మరిన్ని ఉన్నత పదవులు అధిరోహించాలని ఆకాంక్షించారు.

వేడుకల్లో పెద్ద సంఖ్యలో కార్యకర్తలు, అభిమానులు పాల్గొనడంతో రేణిగుంట పట్టణంలో పండుగ వాతావరణం నెలకొంది. జన్మదిన వేడుకలు ఉత్సాహభరితంగా సాగగా, నాయకులు సేవా కార్యక్రమాలు మరింత విస్తృతంగా కొనసాగించాలని పిలుపునిచ్చారు.