Xiaomi 17T Discount: షావోమీ ఫోన్‌పై రూ. 5వేల డిస్కౌంట్‌.. ఫీచ‌ర్లు తెలిస్తే వెంట‌నే కొనాల్సిందే

Xiaomi 17T Discount: భారత మార్కెట్లో షావోమీ తన కొత్త ప్రీమియం స్మార్ట్‌ఫోన్ Xiaomi 17T విక్రయాలను ప్రారంభించింది. లైకా ట్యూన్డ్ ట్రిపుల్ కెమెరా సెటప్, శక్తివంతమైన ప్రాసెసర్, భారీ బ్యాటరీ, అధునాతన AI ఫీచర్లతో ఈ ఫోన్‌ను తీసుకొచ్చింది. ప్రీమియం సెగ్మెంట్‌లో ఇతర బ్రాండ్లకు గట్టి పోటీ ఇవ్వాలనే లక్ష్యంతో కంపెనీ ఈ స్మార్ట్‌ఫోన్‌ను విడుద‌ల చేసింది.

ధ‌ర ఎంతంటే.?

Xiaomi 17T రెండు స్టోరేజ్ వేరియంట్లలో మార్కెట్లోకి వచ్చింది. 12GB RAM + 256GB స్టోరేజ్ వేరియంట్ ధర రూ.59,999గా నిర్ణయించగా, 12GB RAM + 512GB స్టోరేజ్ వేరియంట్ ధర రూ.64,999గా ఉంది. అయితే ప్రారంభ ఆఫర్లలో భాగంగా ఎంపిక చేసిన బ్యాంక్ క్రెడిట్ కార్డులు లేదా EMI లావాదేవీలపై రూ.5,000 వరకు ఇన్‌స్టంట్ డిస్కౌంట్ లభిస్తోంది. దీంతో ఫోన్ ధరలు వరుసగా రూ.54,999, రూ.59,999కు తగ్గుతున్నాయి. అదనంగా ఎక్స్చేంజ్ ద్వారా పాత ఫోన్ ఇస్తే రూ.5,000 వరకు బోనస్ కూడా అందిస్తోంది. అలాగే ఒక సంవత్సరం లోపు ఫోన్‌ను తిరిగి విక్రయిస్తే ఇన్వాయిస్ విలువలో 60 శాతం వరకు బైబ్యాక్ హామీని కంపెనీ ప్రకటించింది.

లైకా కెమెరాలతో అద్భుతమైన ఫోటోగ్రఫీ

ఫోటోగ్రఫీ ప్రియులను దృష్టిలో ఉంచుకుని Xiaomi 17Tలో లైకా భాగస్వామ్యంతో రూపొందించిన ట్రిపుల్ కెమెరా సెటప్‌ను అందించారు. ఇందులో 50 మెగాపిక్సెల్ ప్రధాన కెమెరాతో పాటు 50 మెగాపిక్సెల్ 5x పెరిస్కోప్ టెలిఫోటో కెమెరా, 12 మెగాపిక్సెల్ అల్ట్రా వైడ్ కెమెరా ఉన్నాయి. ప్రధాన కెమెరాలో ఆప్టికల్ ఇమేజ్ స్టెబిలైజేషన్ (OIS) ఉండటంతో ఫోటోలు, వీడియోలు మరింత స్పష్టంగా రికార్డ్ అవుతాయి. సెల్ఫీలు, వీడియో కాల్స్ కోసం 32 మెగాపిక్సెల్ ఫ్రంట్ కెమెరాను అందించారు. లైకా ట్యూనింగ్ కారణంగా రంగులు సహజంగా కనిపించడంతో పాటు తక్కువ వెలుతురులో కూడా మెరుగైన ఫలితాలు పొందే అవకాశం ఉంటుంది.

AMOLED డిస్‌ప్లే, శక్తివంతమైన ప్రాసెసర్

ఈ స్మార్ట్‌ఫోన్‌లో 6.59 అంగుళాల 1.5K AMOLED డిస్‌ప్లేను అందించారు. 120Hz రిఫ్రెష్ రేట్ ఉండటంతో స్క్రోలింగ్, గేమింగ్, వీడియో ఎక్స్‌పీరియ‌న్స్ మరింత స్మూత్‌గా ఉంటుంది. గరిష్టంగా 3,500 నిట్స్ బ్రైట్‌నెస్‌ను అందించే ఈ డిస్‌ప్లే ఎండలో కూడా స్పష్టమైన విజిబిలిటీని అందిస్తుంది. కళ్ల రక్షణ కోసం TÜV Rheinland Eye Care సర్టిఫికేషన్ కూడా పొందింది. పనితీరు విషయానికి వస్తే మీడియాటెక్ డైమెన్సిటీ 8500- అల్ట్రా ప్రాసెసర్‌ను అమర్చారు. 12GB RAM, 512GB వరకు స్టోరేజ్‌తో ఈ ఫోన్ మల్టీటాస్కింగ్, గేమింగ్, హెవీ యాప్ వినియోగంలో కూడా మెరుగైన పనితీరును అందిస్తుంది.

AI ఫీచర్లతో మరింత స్మార్ట్ అనుభవం

Xiaomi 17Tలో ఆర్టిఫిషియల్ ఇంటెలిజెన్స్ ఆధారిత పలు ఫీచర్లను అందించారు. ఆండ్రాయిడ్ 16 ఆధారిత HyperOS 3తో పనిచేసే ఈ ఫోన్‌లో గూగుల్ జెమినీ ఇంటిగ్రేషన్ అందుబాటులో ఉంది. అలాగే స‌ర్కిల్ టూ సెర్చ్ ఫీచర్ ద్వారా స్క్రీన్‌పై కనిపించే అంశాల గురించి వెంటనే సమాచారాన్ని తెలుసుకోవచ్చు. AI ఆధారిత స్మార్ట్ టూల్స్ రోజువారీ పనులను సులభతరం చేయడంతో పాటు ఉత్పాదకతను కూడా పెంచుతాయి. ముఖ్యంగా కంటెంట్ క్రియేటర్లు, ప్రొఫెషనల్ యూజర్లకు ఈ AI ఫీచర్లు మరింత ఉపయోగకరంగా ఉంటాయి.

6500mAh భారీ బ్యాటరీ, ప్రీమియం ఫీచర్లు

ఈ ఫోన్‌లో 6,500mAh సిలికాన్-కార్బన్ బ్యాటరీని అందించారు. భారీ బ్యాటరీ కారణంగా రోజంతా నిరాటంకంగా ఫోన్‌ను ఉపయోగించవచ్చని కంపెనీ చెబుతోంది. 67W హైప‌ర్ ఛార్జ్ ఫాస్ట్ ఛార్జింగ్ సపోర్ట్ ఉండటంతో తక్కువ సమయంలోనే బ్యాటరీని వేగంగా ఛార్జ్ చేసుకోవచ్చు. అలాగే 22.5W రివర్స్ ఛార్జింగ్ ద్వారా ఇతర డివైస్‌లను కూడా ఛార్జ్ చేసే అవకాశం ఉంటుంది. Wi-Fi 7, Bluetooth 6.0, NFC, NavIC, USB Type-C వంటి ఆధునిక కనెక్టివిటీ ఫీచర్లతో పాటు IP68 వాటర్, డస్ట్ రెసిస్టెన్స్ కూడా అందించారు. అదనంగా 3D IceLoop కూలింగ్ సిస్టమ్ కారణంగా ఎక్కువసేపు గేమింగ్ చేసినా ఫోన్ ఉష్ణోగ్రత నియంత్రణలో ఉంటుంది. మొత్తం మీద Xiaomi 17T ప్రీమియం కెమెరా అనుభవం, శక్తివంతమైన పనితీరు, భారీ బ్యాటరీ, ఆధునిక AI ఫీచర్ల కలయికతో మార్కెట్లో ఆకర్షణీయమైన స్మార్ట్‌ఫోన్‌గా నిలుస్తోంది. ముఖ్యంగా కెమెరా, బ్యాటరీ, ఫ్లాగ్‌షిప్ స్థాయి పనితీరు కోరుకునే వినియోగదారులకు ఇది మంచి ఎంపికగా కనిపిస్తోంది.