Redmi Pad 2 : రూ. 15 వేల లోపే అదిరిపోయే ట్యాబ్లెట్.. 8000mAh బ్యాటరీతో రెడ్‌మి ప్యాడ్ 2 రచ్చ.!

Redmi Pad 2 : ప్రముఖ ఎలక్ట్రానిక్ బ్రాండ్ షావోమీ (Xiaomi), తన సబ్ బ్రాండ్ రెడ్‌మి ద్వారా ట్యాబ్లెట్ మార్కెట్‌లోకి మరో పవర్‌ఫుల్ అస్త్రాన్ని వదిలింది. బడ్జెట్ ధరలో అత్యుత్తమ ఫీచర్లను కోరుకునే విద్యార్థులు, ఉద్యోగులు , సినీ ప్రియుల కోసం రెడ్‌మి ప్యాడ్ 2 (Redmi Pad 2) ను లాంచ్ చేసింది. మార్కెట్లో ఇప్పటికే ఉన్న ట్యాబ్లెట్లకు గట్టి పోటీనిచ్చేలా, తక్కువ ధరలోనే ప్రీమియం అనుభూతిని అందించేలా దీనిని రూపొందించారు. దీనికి సంబంధించిన పూర్తి వివరాలు, ఫీచర్లు , ప్రత్యేకతలు ఇక్కడ ఉన్నాయి.

సౌకర్యవంతమైన డిస్‌ప్లే , స్లిమ్ డిజైన్

రెడ్‌మి ప్యాడ్ 2 ట్యాబ్లెట్ 11-అంగుళాల భారీ ఎల్‌సీడీ (LCD) స్క్రీన్‌తో వస్తోంది. దీని 90Hz రిఫ్రెష్ రేట్ వల్ల మీరు గేమింగ్ ఆడినా లేదా సోషల్ మీడియాలో స్క్రోలింగ్ చేసినా చాలా స్మూత్‌గా ఉంటుంది. ముఖ్యంగా ఈ ట్యాబ్లెట్‌ను మెటాలిక్ యూనిబాడీ డిజైన్‌తో రూపొందించడం వల్ల పట్టుకోవడానికి చాలా ప్రీమియం అనుభూతిని ఇస్తుంది. ఆన్‌లైన్ క్లాసులు వినే విద్యార్థులకు కళ్లపై ఒత్తిడి పడకుండా ఉండేందుకు ఇందులో ప్రత్యేకంగా 'లో-బ్లూ లైట్' సర్టిఫికేషన్ కూడా ఉంది. దీనివల్ల ఎక్కువ సేపు స్క్రీన్ చూసినా అలసట కలగదు.

భారీ బ్యాటరీ.. డేటా మొత్తం భద్రం.!

బ్యాటరీ పరంగా రెడ్‌మి రాజీ పడలేదు. ఈ ట్యాబ్లెట్‌లో ఏకంగా 8,000mAh సామర్థ్యం కలిగిన భారీ బ్యాటరీని అమర్చారు. సాధారణ వినియోగంతో ఇది సుమారు రెండు రోజుల వరకు బ్యాకప్ ఇచ్చే అవకాశం ఉంది. దీనికి తోడు బాక్స్‌లోనే 18W ఫాస్ట్ ఛార్జింగ్‌ను సపోర్ట్ చేసే ఛార్జర్‌ను కూడా అందిస్తున్నారు. దీనివల్ల భారీ బ్యాటరీని తక్కువ సమయంలోనే ఛార్జ్ చేసుకోవచ్చు. పర్ఫార్మెన్స్ విషయానికి వస్తే, ఇందులో క్వాల్కమ్ స్నాప్‌డ్రాగన్ 680 (Snapdragon 680) ప్రాసెసర్‌ను ఉపయోగించారు. ఇది మల్టీ టాస్కింగ్, వీడియో ఎడిటింగ్ లేదా చిన్నపాటి గేమింగ్‌కు చక్కగా సరిపోతుంది.

సినిమాటిక్ ఎక్స్‌పీరియన్స్ ఇచ్చే క్వాడ్ స్పీకర్లు

ఈ ట్యాబ్లెట్‌ను వినోదానికి కేరాఫ్ అడ్రస్‌గా చెప్పుకోవచ్చు. ఇందులో డాల్బీ అట్మోస్ (Dolby Atmos) సపోర్ట్ కలిగిన క్వాడ్ స్పీకర్లను (నాలుగు స్పీకర్లు) అందించారు. ట్యాబ్లెట్‌ను ఏ దిశలో పట్టుకున్నా అద్భుతమైన సౌండ్ క్వాలిటీ వచ్చేలా దీనిని ట్యూన్ చేశారు. దీనివల్ల హెడ్‌ఫోన్స్ లేకపోయినా సినిమాలు చూసేటప్పుడు థియేటర్ లాంటి సౌండ్ ఎఫెక్ట్ లభిస్తుంది.

కెమెరా , స్టోరేజ్ వివరాలు

కెమెరా విభాగంలో కూడా ఈ ట్యాబ్లెట్ ఆకట్టుకుంటోంది. వెనుక వైపు డాక్యుమెంట్లు స్కాన్ చేయడానికి లేదా ఫోటోలు తీయడానికి 8 మెగాపిక్సెల్ కెమెరాను, ముందు వైపు సెల్ఫీలు , వీడియో కాల్స్ కోసం 5 మెగాపిక్సెల్ కెమెరాను అమర్చారు. వీడియో కాల్స్ చేసే సమయంలో మీ ముఖం స్పష్టంగా కనిపించేలా సెన్సార్లను సర్దుబాటు చేశారు. ఇక స్టోరేజ్ విషయానికి వస్తే, ఇది 4GB/6GB RAM , 128GB వరకు ఇంటర్నల్ స్టోరేజ్ వేరియంట్లలో లభిస్తుంది. మైక్రో ఎస్‌డీ కార్డ్ ద్వారా మెమరీని మరింత పెంచుకునే వెసులుబాటు కూడా ఉండటం విశేషం. బడ్జెట్ శ్రేణిలో భారీ స్క్రీన్, అదిరిపోయే బ్యాటరీ , నాణ్యమైన స్పీకర్లు కావాలనుకునే వారికి రెడ్‌మి ప్యాడ్ 2 ఒక బెస్ట్ ఆప్షన్ అని చెప్పొచ్చు.