Noise Smartwatch : వాచీ కాదు.. ఆభరణం..! మహిళల కోసం 'NoiseFit Diva Araya' లాంచ్.. అదిరిపోయే ఫీచర్లు..!

Noise Smartwatch : ప్రస్తుత కాలంలో స్మార్ట్‌వాచ్ అనేది కేవలం టెక్నాలజీ పరికరం మాత్రమే కాదు, అది మన వ్యక్తిత్వానికి ప్రతీక. ముఖ్యంగా ఫ్యాషన్ , టెక్నాలజీని రెండింటినీ ఇష్టపడే మహిళల కోసం ప్రముఖ వేరబుల్ బ్రాండ్ 'నాయిస్' (Noise) తన అత్యంత ప్రతిష్టాత్మకమైన NoiseFit Diva Arayaని విడుదల చేసింది. ఇది నాయిస్ బ్రాండ్ నుంచి వచ్చిన మొట్టమొదటి సెరామిక్ (Ceramic) స్మార్ట్‌వాచ్. దీని ప్రీమియం లుక్ చూస్తే ఇది వాచీనా లేక ఏదైనా లగ్జరీ బ్రాండ్ జ్యువెలరీనా అనే సందేహం కలగక మానదు.

కళ్లు చెదిరే సెరామిక్ డిజైన్ : ఈ వాచ్‌ను ఒక కళాఖండంలా తీర్చిదిద్దింది దాని నిర్మాణశైలి. ఇది అత్యంత నాణ్యమైన, స్క్రాచ్-రెసిస్టెంట్ (గీతలు పడని) సెరామిక్ బాడీతో రూపొందించబడింది. దీని డయల్ చుట్టూ 60 ప్రెసిషన్-సెట్ స్టోన్స్ (Precision-set stones) అమర్చారు. ఇవి కాంతిలో మెరుస్తూ వాచ్‌కు హై-గ్లోస్ ఫినిషింగ్‌ను ఇస్తాయి.

స్ట్రాప్ ఆప్షన్లు: ఇందులో మూడు రకాల స్ట్రాప్‌లు అందుబాటులో ఉన్నాయి. క్లాసిక్ లుక్ కోసం 'సెరామిక్', మోడ్రన్ లుక్ కోసం 'మెటల్', , కంఫర్ట్ కోసం 'మెష్' స్ట్రాప్స్‌ను ఎంచుకోవచ్చు.

కలర్స్: ఫ్రాస్ట్ సిల్వర్ సెరామిక్, రోజ్ గోల్డ్ లింక్ , ఐకానిక్ రోజ్ గోల్డ్ వంటి ఆకర్షణీయమైన రంగుల్లో ఇది లభిస్తోంది.

అత్యున్నత స్థాయి డిస్ప్లే, టెక్నాలజీ

• అమోలెడ్ డిస్ప్లే: 1.28 ఇంచుల రౌండ్ AMOLED స్క్రీన్ అద్భుతమైన కలర్స్‌ను అందిస్తుంది. ముఖ్యంగా 850 నిట్స్ బ్రైట్‌నెస్ వల్ల మిట్టమధ్యాహ్నం ఎండలో కూడా డిస్ప్లే చాలా స్పష్టంగా కనిపిస్తుంది.
• బ్లూటూత్ కాలింగ్: ఇందులో Bluetooth 5.3 వెర్షన్ ఉంది. దీనివల్ల కాలింగ్ అనుభవం చాలా స్మూత్‌గా ఉంటుంది. ఫోన్ జేబులో ఉన్నా, నేరుగా వాచ్ నుంచే కాల్స్ మాట్లాడవచ్చు.
• ఆల్వేస్ ఆన్ డిస్ప్లే (AOD): ఈ ఫీచర్ వల్ల వాచ్ ఎప్పుడూ ఒక అందమైన అనలాగ్ వాచ్‌లా కనిపిస్తూనే ఉంటుంది. దీనికి తోడు 100కు పైగా కస్టమైజబుల్ వాచ్ ఫేసెస్ ఉన్నాయి.

మహిళల ఆరోగ్యంపై ప్రత్యేకం (Advanced Health Suite)

ఓవర్‌నైట్ స్కిన్ టెంపరేచర్: రాత్రంతా మీ శరీర ఉష్ణోగ్రతను పర్యవేక్షించడం ద్వారా మీ ఆరోగ్య స్థితిగతులను ఇది అంచనా వేస్తుంది.

ఫీమేల్ సైకిల్ ట్రాకింగ్: పీరియడ్ సైకిల్‌ను ట్రాక్ చేయడంతో పాటు వివిధ దశల్లో అవసరమైన హెల్త్ ఇన్‌సైట్స్‌ను అందిస్తుంది.

హెల్త్ మానిటరింగ్: 24/7 హార్ట్ రేట్, SpO2 (ఆక్సిజన్), స్లీప్ , స్ట్రెస్ లెవల్స్‌ను ఇది నిరంతరం గమనిస్తుంది.

భద్రతకు భరోసా.. SOS , లైవ్ లొకేషన్

మహిళల భద్రతను దృష్టిలో ఉంచుకుని నాయిస్ ఇందులో SOS ఫీచర్‌ను ప్రవేశపెట్టింది. అత్యవసర సమయాల్లో వాచ్ లోని బటన్‌ను నొక్కడం ద్వారా ముందుగా నిర్ణయించిన కాంటాక్ట్‌లకు మీ లైవ్ లొకేషన్ తో కూడిన మెసేజ్ వెళ్తుంది. ప్రయాణాలు చేసే మహిళలకు ఇది గొప్ప భరోసా.

బ్యాటరీ , స్మార్ట్ ఫీచర్లు

ఈ స్మార్ట్‌వాచ్ ఒక్కసారి ఛార్జ్ చేస్తే 5 రోజుల పాటు నిరంతరాయంగా పనిచేస్తుంది. ఇది ఐఫోన్ (iOS) , ఆండ్రాయిడ్ రెండింటికీ సపోర్ట్ చేస్తుంది. AI వాయిస్ అసిస్టెంట్, మ్యూజిక్ కంట్రోల్, కెమెరా కంట్రోల్, కాలిక్యులేటర్, వెదర్ అప్‌డేట్స్ వంటి మరెన్నో నిత్యం అవసరమయ్యే ఫీచర్లు ఇందులో ఉన్నాయి.

ధర , ఆఫర్లు

ప్రస్తుతం ఈ వాచ్ అసలు ధర రూ.6,999 అయినప్పటికీ, లాంచ్ ఆఫర్ కింద కేవలం రూ.4,999 కే అందుబాటులో ఉంది. అయితే, సెరామిక్ స్టీల్ బ్రాస్‌లెట్ ఉన్న లిమిటెడ్ ఎడిషన్ వేరియంట్ ధర రూ.6,999 గా ఉంది. ఏప్రిల్ 21, 2026 నుండి ఇవి నాయిస్ వెబ్‌సైట్ , అమెజాన్‌ (Amazon) లో విక్రయానికి సిద్ధంగా ఉన్నాయి.