Honor Play 80 Plus: 7500mAh భారీ బ్యాటరీతో వచ్చిన హానర్ ప్లే 80 ప్లస్.. ఫీచర్లు, ధర వివరాలు ఇవే..!

Honor Play 80 Plus: హానర్ ప్లే 80 ప్లస్ స్మార్ట్‌ఫోన్ ప్రధాన ఆకర్షణ దీని బ్యాటరీ. ఇందులో ఏకంగా 7500mAh సామర్థ్యం గల భారీ బ్యాటరీని అమర్చారు. ఇది ఒక్కసారి ఛార్జ్ చేస్తే సాధారణ వాడకంతో రెండు రోజుల కంటే ఎక్కువ కాలం మన్నుతుంది. దీనికి తోడు 45 వాట్ల వేగవంతమైన ఛార్జింగ్ సదుపాయం కూడా ఉండటంతో, తక్కువ సమయంలోనే ఫోన్‌ను పూర్తి స్థాయిలో ఛార్జ్ చేసుకోవచ్చు.

డిస్ప్లే, పనితీరు..

ఈ మొబైల్ 6.61 అంగుళాల టీఎఫ్‌టీ ఎల్‌సీడీ డిస్‌ప్లేను కలిగి ఉంది. ఇది 120Hz రిఫ్రెష్ రేట్‌తో వచ్చింది. దీనివల్ల ఎండలో కూడా తెరపై అక్షరాలు స్పష్టంగా కనిపిస్తాయి. పనితీరు విషయానికి వస్తే, ఇందులో క్వాల్కమ్ స్నాప్‌డ్రాగన్ 4 జెన్ 4 చిప్‌సెట్‌ను వాడారు. ఇది ఆండ్రాయిడ్ 16 ఆధారిత మ్యాజిక్ ఓఎస్ 10 సాఫ్ట్‌వేర్‌పై పనిచేస్తుంది. మల్టీటాస్కింగ్ కోసం ఇందులో 12GB వరకు ర్యామ్ సదుపాయం ఉంది.

కెమెరా, ఇతర ఫీచర్లు..

ఫోన్ వెనుక భాగంలో పిల్ ఆకారపు మాడ్యూల్‌లో 13 మెగాపిక్సెల్ ప్రధాన కెమెరాను అమర్చారు. సెల్ఫీల కోసం ముందు భాగంలో 5 మెగాపిక్సెల్ కెమెరా ఉంది. భద్రత కోసం ఫోన్ పక్కభాగంలో ఫింగర్‌ప్రింట్ స్కానర్‌ను ఇచ్చారు. కనెక్టివిటీ పరంగా ఇది 5G, బ్లూటూత్ 5.0, వై-ఫై, యూఎస్‌బీ టైప్-సి వంటి ఆధునిక ఫీచర్లను సపోర్ట్ చేస్తుంది.

ధర, లభ్యత..

ప్రస్తుతానికి ఈ ఫోన్ చైనాలో మూడు రంగులలో అందుబాటులో ఉంది. దీని ప్రారంభ ధర 1,699 యువాన్లు, అంటే భారతీయ కరెన్సీలో సుమారు 24,000 రూపాయలుగా నిర్ణయించారు. ఇది మొత్తం నాలుగు స్టోరేజ్ వేరియంట్లలో లభిస్తుంది. త్వరలోనే ఈ ఫోన్ ప్రపంచవ్యాప్తంగా, భారత మార్కెట్లోకి వచ్చే అవకాశం ఉంది.