Sompeta: నూతన విద్యార్థులకు ఆత్మీయ స్వాగతం సందడిగా ఫ్రెషర్స్ వేడుకలు!

Sompeta: సోంపేట నూతన విద్యార్థులకు ఆత్మీయ స్వాగతం పలుకుతూ సోంపేట సంస్కార భారతి కళాశాలలో శుక్రవారం ఫ్రెషర్స్ పార్టీ వేడుకలను ఘనంగా నిర్వహించారు.

విద్యార్థుల నృత్యాలు, సాంస్కృతిక కార్యక్రమాలతో కళాశాల ప్రాంగణం సందడిగా మారింది. నూతన విద్యార్థులు ఉత్సాహంగా వేడుకల్లో మమేకం కావడంతో ఆహ్లాదకర వాతావరణం నెలకొంది.

విద్యార్థులు ప్రదర్శించిన నృత్యాలు, వివిధ సాంస్కృతిక కార్యక్రమాలు ప్రత్యేక ఆకర్షణగా నిలిచాయి. సీనియర్ విద్యార్థులు నూతన విద్యార్థులతో ఆత్మీయంగా కలిసిపోయి వేడుకలను ఆనందోత్సాహాల మధ్య నిర్వహించారు.

విద్యార్థుల్లో స్నేహభావం, ఆత్మవిశ్వాసం పెంపొందించేలా నిర్వహించిన ఫ్రెషర్స్ పార్టీ కన్నుల పండువగా సాగింది.

కళాశాల కరస్పాండెంట్, ఎంపీపీ డాక్టర్ దాసు, దేవరాజు, ప్రిన్సిపాల్ కవి బాబు, శ్రీనుబాబు, పాపారావు, ఉపాధ్యాయ బృందం కార్యక్రమ ఏర్పాట్లను పర్యవేక్షించారు. వేడుకలు విజయవంతంగా ముగియడంతో విద్యార్థుల్లో ఆనందం వెల్లివిరిసింది.