Viral Video : ఈ వీడియో చూస్తే గుండె తట్టుకోదు.. చిన్నారిపై తల్లి అమానుషం.!

ఈ వీడియోలో, ఒక మహిళ తన చిన్న బిడ్డను అత్యంత క్రూరంగా హింసించడం కనిపిస్తోంది. ఈ వీడియో చూసిన వారంతా తీవ్ర ఆగ్రహం వ్యక్తం చేస్తూ, వెంటనే అధికారులు యాక్షన్ తీసుకోవాలని డిమాండ్ చేస్తున్నారు. మన సమాజంలో తల్లిని దైవంగా భావిస్తాం, కానీ ఇలాంటి సంఘటనలు చూశాక అసలు మానవత్వం ఎటు పోతోంది అనే ప్రశ్నలు తలెత్తుతున్నాయి.

బిడ్డపై పైశాచికం.. వీడియోలో ఏముంది?

వైరల్ అవుతున్న ఈ బ్లర్డ్ వీడియోలో ఆ మహిళ తన చిన్నారిని ఒక మూలకు నెట్టి, విచక్షణారహితంగా కొట్టడం కనిపిస్తోంది. ఆ పసిబిడ్డ భయంతో వణికిపోతున్నా ఆమెలో ఏమాత్రం కనికరం కలగలేదు. బిడ్డను కాలితో తన్నడం, జుట్టు పట్టుకుని ఈడ్చుకెళ్లడం వంటి దృశ్యాలు చూస్తుంటే ఒళ్లు గగుర్పొడుస్తుంది. అన్నిటికంటే దారుణమైన విషయం ఏంటంటే, కెమెరా వైపు చూస్తూ ఆమె వేళ్లతో సవాల్ విసిరినట్లు చేయడం. అంటే తనకు చట్టం అన్నా, పోలీసులన్నా అస్సలు భయం లేదనే సంకేతాన్ని ఆమె ఇచ్చింది. ఈ వీడియోకు ఉన్న హిందీ సబ్‌టైటిల్స్ ప్రకారం, ఆ బిడ్డకు మాటలు సరిగ్గా రావని, ఏదైనా అర్థం చేసుకునే శక్తి తక్కువని తెలుస్తోంది. బిడ్డ తన మాట వినడం లేదనే కోపంతోనే ఆమె ఇంతటి దారుణానికి ఒడిగట్టినట్లు సమాచారం.

నిధుల కేటాయింపు, వ్యవస్థపై విమర్శలు

ఈ వీడియో వైరల్ కావడంతో నెటిజన్లు రకరకాలుగా స్పందిస్తున్నారు. ఒక యూజర్ మన దేశంలో మహిళా , శిశు సంక్షేమ శాఖ (WCD) కి కేటాయిస్తున్న బడ్జెట్ గురించి ప్రస్తావించారు. "ప్రజలు కడుతున్న పన్నుల నుండి ఏటా దాదాపు 5 లక్షల కోట్ల రూపాయలు ఈ శాఖకు వెళ్తున్నాయి, కానీ గ్రౌండ్ లెవల్‌లో ఇలాంటి దారుణాలు జరుగుతూనే ఉన్నాయి" అని విమర్శించారు. రాజకీయ నాయకులు మహిళలు, పిల్లల పేరుతో నిధులు లూటీ చేస్తున్నారని, మన తదుపరి తరాలు మనల్ని చూసి నవ్వుకుంటాయని ఆవేదన వ్యక్తం చేశారు.

లింగ వివక్ష, జనం ఫైర్

మరికొందరు నెటిజన్లు ఈ ఇష్యూలో ఉన్న ఇంకో కోణాన్ని కూడా బయటపెట్టారు. ఒక తొమ్మిదేళ్ల అబ్బాయి తల్లిని కొడితే దాన్ని మిసోజినీ (Misogyny) అని ఫెమినిస్టులు అరుస్తారని, అదే ఒక తల్లి కొడుకును చంపినా, కొట్టినా ఎవరూ మాట్లాడటం లేదని విమర్శించారు. బాధ్యత విషయంలో స్త్రీ పురుష వివక్ష ఉండకూడదని వారు వాదిస్తున్నారు. ఇలాంటి సంఘటనలు జరిగినప్పుడు లింగభేదం చూడకుండా కఠినంగా శిక్షించాలని నెటిజన్లు డిమాండ్ చేస్తున్నారు.

వీడియో తీసిన వ్యక్తిపై మండిపడుతున్న నెటిజన్లు

ఈ గొడవలో అందరి టార్గెట్ ఇప్పుడు ఆ వీడియో తీసిన వ్యక్తిపై పడింది. బహుశా ఆ బిడ్డ తండ్రి అయి ఉండొచ్చని భావిస్తున్న సదరు వ్యక్తి, బిడ్డను కాపాడకుండా సైలెంట్‌గా వీడియో తీయడం ఏంటని జనం ప్రశ్నిస్తున్నారు. "సిగ్గులేకుండా వీడియో తీయడం కాదు, ముందు వెళ్లి ఆ పిల్లాడిని కాపాడు" అంటూ నెటిజన్లు ఫైర్ అవుతున్నారు. భార్యను ఆపాల్సింది పోయి సాక్ష్యం కోసం వీడియోలు తీయడం దారుణమని, ఆమెతో పాటు ఇతన్ని కూడా జైల్లో వేయాలని చాలా మంది కోరుతున్నారు. ఈ వీడియో ఎక్కడ జరిగింది, ఎప్పుడు జరిగింది అనే దానిపై ఇంకా స్పష్టత లేనప్పటికీ, ఇన్వెస్టిగేషన్ చేయాలని సోషల్ మీడియాలో భారీగా రిక్వెస్ట్‌లు వెల్లువెత్తుతున్నాయి.

Can we have this "Criminal Mother" arrested asap,

She crossed all the limits of being a mother and seen here abusing,hitting a "special child" who has difficulty understanding things.

@ Child rights protection team..can u pls take immediate action

@ National commission for… pic.twitter.com/q192kuXm1a

— SK (@Sreekrish555) May 8, 2026