Flying Catch: ఎవడ్రా గ్లెన్ ఫిలిప్స్‌.. గాల్లో చిరుతపులిలా మైండ్ బ్లోయింగ్ క్యాచ్

Local cricketer viral catch: మన దేశంలో క్రికెట్ అనేది కేవలం ఒక ఆట కాదు.. అదొక ఎమోషన్, ఒక శ్వాస. గల్లీల నుంచి అంతర్జాతీయ స్టేడియంల వరకు ఎక్కడ చూసినా బ్యాట్లు పట్టుకున్న యువకులే కనిపిస్తారు. అయితే, ఎంతో మంది మట్టిలో మాణిక్యాలు సరైన గుర్తింపు లేక వెలుగులోకి రాకుండానే ఉండిపోతున్నారు.

తాజాగా సోషల్ మీడియా ప్లాట్‌ఫారమ్ ట్విట్టర్‌ను షేక్ చేస్తున్న ఒక లోకల్ క్రికెట్ మ్యాచ్ వీడియో చూస్తే.. అరే, మన పల్లెటూళ్లలో ఇలాంటి ఆటగాళ్లు కూడా ఉన్నారా.. అని ముక్కున వేలేసుకోవడం ఖాయం.

ఒక సాధారణ మైదానంలో ఒక ఫీల్డర్ నమ్మశక్యం కాని రీతిలో గాల్లోకి ఎగిరి పట్టిన క్యాచ్ ఇప్పుడు ఇంటర్నెట్‌ను ఊపేస్తోంది. ఈ విన్యాసం చూసిన నెటిజన్లు.. న్యూజిలాండ్ స్టార్ ఫీల్డర్ గ్లెన్ ఫిలిప్స్‌ను గుర్తుచేసుకుంటూ, బీసీసీఐ సెలెక్షన్ ప్రాసెస్ మీద విమర్శల వర్షం కురిపిస్తున్నారు.

వైరల్ అవుతున్న వీడియోను పరిశీలిస్తే, అదొక గ్రామీణ లేదా స్థానిక టోర్నమెంట్‌కు సంబంధించిన మ్యాచ్‌గా అర్థమవుతోంది. బ్యాట్స్‌మన్ బంతిని బలంగా బాదగా, అది బౌండరీ లైన్ దాటి ఈజీగా సిక్సర్‌గా వెళ్తుందని అందరూ ఫిక్స్ అయిపోయారు. కానీ, అక్కడే అసలైన ట్విస్ట్ జరిగింది. దూరంగా ఫీల్డింగ్ చేస్తున్న ఒక యువకుడు ఏమాత్రం అంచనా తప్పకుండా, ఒక హాలీవుడ్ రేంజ్ స్టంట్‌లా గాల్లోకి ఎగిరాడు.

నమ్మశక్యం కాని టైమింగ్‌తో బంతిని చేజిక్కించుకోవడమే కాకుండా.. బౌండరీ లైన్‌ను తాకకుండా తన శరీరాన్ని గాల్లోనే నియంత్రించుకున్న తీరు మైండ్ బ్లోయింగ్ అని చెప్పాలి. అంతర్జాతీయ మ్యాచ్‌ల్లో కోట్ల రూపాయల వసతులు, బెస్ట్ కోచింగ్ ఉన్న టాప్ క్లాస్ ఫీల్డర్లు మాత్రమే చేయగల ఇలాంటి విన్యాసాన్ని.. ఎటువంటి ఆధునిక వసతులు లేని ఒక నార్మల్ గ్రౌండ్‌లో, ఈ యువకుడు చేసి చూపించడం అందరినీ స్టన్ చేస్తోంది.

అంతర్జాతీయ క్రికెట్‌లో న్యూజిలాండ్‌కు చెందిన గ్లెన్ ఫిలిప్స్ అసాధ్యమైన క్యాచ్‌లను డైవ్ చేస్తూ పట్టుకోవడంలో సిద్ధహస్తుడు. ప్రస్తుత వైరల్ వీడియోలోని లోకల్ ప్లేయర్ ప్రదర్శన అచ్చు గుద్దినట్టు గ్లెన్ ఫిలిప్స్ విన్యాసాలను తలపించేలా ఉండటంతో నెటిజన్లు క్రేజీ కామెంట్స్ పెడుతున్నారు.

ఈ వీడియో కొద్దిసేపట్లోనే లక్షలాది వ్యూస్ సాధించి విపరీతంగా ట్రెండ్ అవుతుండటంతో.. భారత క్రికెట్ ఎంపిక విధానంపై మళ్లీ చర్చ మొదలైంది. ప్రస్తుతం క్రీడాభిమానులు ఈ వీడియోను ఐపీఎల్ఫ్రాంచైజీలకు, బీసీసీఐ సెలెక్టర్లకు విపరీతంగా ట్యాగ్ చేస్తూ.. ఈ కుర్రాడికి ఎలాగైనా తగిన గుర్తింపు ఇవ్వాలని డిమాండ్ చేస్తున్నారు.