Viral Video : వర్షంలో బుడిబుడి అడుగులు.. ఈ చిన్నారుల వీడియో చూస్తే మీరూ ఫిదా.!
Viral Video : సోషల్ మీడియా ప్రపంచంలో ప్రతీరోజూ వేలాది వీడియోలు మన కంటపడుతుంటాయి. అందులో కొన్ని వీడియోలు మాత్రమే మన మనసును ఎంతగానో..
Viral-Video
Viral Video : సోషల్ మీడియా ప్రపంచంలో ప్రతీరోజూ వేలాది వీడియోలు మన కంటపడుతుంటాయి. అందులో కొన్ని వీడియోలు మాత్రమే మన మనసును ఎంతగానో తాకుతాయి. రోజంతా ఉన్న అలసటనైనా, ఎలాంటి ఒత్తిడినైనా మాయం చేసి మన పెదవులపై తెలియని చిరునవ్వులు పూయిస్తాయి. సరిగ్గా అలాంటి ఒక ఎమోషనల్ అండ్ క్యూట్ వీడియో ప్రస్తుతం ఇన్స్టాగ్రామ్తో పాటు అన్ని సోషల్ మీడియా ప్లాట్ఫామ్లలో తెగ హల్చల్ చేస్తోంది. వర్షంలో రంగురంగుల రెయిన్కోట్లు వేసుకుని, ఒకరి చేతిని మరొకరు పట్టుకుని కొండపైకి బుడిబుడి అడుగులు వేస్తూ వెళ్తున్న ముగ్గురు చిన్నారి స్కూల్ పిల్లల వీడియో ఇప్పుడు లక్షలాది మంది నెటిజన్ల మనసులను గెలుచుకుంటోంది.
వర్షంలో ముగ్గురు చిన్నారుల ఆప్యాయ ప్రయాణం
నేపాల్కు చెందిన అనిల్ బుడ్ అనే ట్రావెలర్ తన ప్రయాణంలో భాగంగా ఒక కొండ ప్రాంతం గుండా రోడ్డుపై వెళ్తుండగా ఈ సుందరమైన ఘట్టం అతడి కంటపడింది. కురుస్తున్న చినుకుల్లో ముగ్గురు చిన్న పిల్లలు తమ స్కూల్ యూనిఫామ్లు తడవకుండా గులాబీ (Pink), పసుపు (Yellow), , ఆకుపచ్చ (Green) రంగుల్లో ఉన్న బ్రైట్ రెయిన్కోట్లు ధరించి కనిపించారు. వర్షంలో తడుస్తూనే, రోడ్డుపై జారిపడకుండా ఒకరి చేతిని మరొకరు ఎంతో ఆప్యాయంగా గట్టిగా పట్టుకుని, ఎంతో జాగ్రత్తగా కొండ పైకి నడుచుకుంటూ వెళ్తున్నారు. ఈ చిన్నారుల ముచ్చటైన అడుగులను చూసి మైమరిచిపోయిన అనిల్, వెంటనే తన వాహనం ఆపి ఆ క్యూట్ మూమెంట్ను ఫోన్లో రికార్డ్ చేసి సోషల్ మీడియాలో షేర్ చేశారు.
పాకెట్లో చెయ్యి.. ఆటిట్యూడ్తో భలే కాన్ఫిడెంట్ వాక్
వీడియో రికార్డ్ చేస్తున్న సమయంలో అనిల్ ఆ పిల్లల దృష్టిని ఆకర్షించేందుకు వారిని పిలిచాడు. కానీ ఆ బుడతలు మాత్రం అస్సలు ఆగలేదు! ముక్కూ ముఖం తెలియని ఒక అపరిచితుడు తమను పలకరిస్తున్నా, అతడి వైపు చూడకుండా ఎంతో డిసిప్లిన్గా తమ దారిన తాము నడుచుకుంటూ ముందుకు సాగిపోయారు.
ఈ వీడియోలో వీక్షకుల దృష్టిని బాగా ఆకట్టుకున్న అంశం ఏంటంటే.. అందులో అందరికంటే చిన్నగా ఉన్న ఒక పిల్లాడు, ఒక చేత్తో తన పక్కనున్న ఫ్రెండ్ చేతిని గట్టిగా పట్టుకుని, మరో చేతిని తన రెయిన్కోట్ పాకెట్లో పెట్టుకుని ఎంతో కాన్ఫిడెంట్గా నడవడం.. చిన్న చిన్న అడుగులు వేస్తూ, పర్ఫెక్ట్ బాలెన్స్తో ఆ కొండ మార్గంలో వారు వెళ్తున్న తీరు చూసి ప్రతీ ఒక్కరూ ఫిదా అయిపోతున్నారు.
నెటిజన్లు ఫిదా.. లైక్లు, కామెంట్ల వర్షం
ఈ వీడియో నెట్టింట ప్రత్యక్షమైన కొద్దిసేపట్లోనే విపరీతంగా వైరల్ అయిపోయింది. వేలాది మంది నెటిజన్లు ఈ చిన్నారుల అమాయకత్వానికి, వారి మధ్య ఉన్న స్నేహానికి జోహార్లు అర్పిస్తున్నారు. "ఈ రోజు సోషల్ మీడియాలో చూసిన అత్యంత బ్యూటిఫుల్ అండ్ క్యూట్ వీడియో ఇదే", "పాకెట్లో చెయ్యి పెట్టుకుని నడిచే ఆ చిన్నోడి ఆటిట్యూడ్ అండ్ కాన్ఫిడెన్స్ వేరే లెవెల్" అంటూ ఫన్నీ అండ్ లవింగ్ కామెంట్లు పెడుతున్నారు.
అదే సమయంలో, ఒక అపరిచితుడు కెమెరాతో పిలుస్తున్నప్పటికీ ఆ పిల్లలు ఎక్కడా ఆగకుండా తమ నడకను కొనసాగించడంపై పలువురు ప్రశంసిస్తున్నారు. అపరిచితులతో ఎలా ఉండాలి, వారి మాటలకు లొంగకుండా ఎలా అప్రమత్తంగా ఉండాలో ఈ పిల్లలు నడుచుకున్న తీరు నిరూపిస్తోందని, ప్రతీ ఒక్కరూ తమ పిల్లలకు ఇలాంటి భద్రతా నియమాలు నేర్పించాలని కామెంట్లు చేస్తున్నారు. ప్రకృతి అందాల నడుమ వర్షంలో సాగిన ఈ చిన్నారుల క్యూట్ వాక్, చూసే ప్రతి ఒక్కరి మనసుకు ఎంతో ప్రశాంతతను అందిస్తోంది.
G Krishna
అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆస్ట్రాలజీ విశ్లేషణ ఏదైనా.. నా నుంచి వచ్చే ప్రతి కథనం ప్రతి వార్త పాఠకుడికి ఇన్ఫర్మేషన్తో పాటు ఇంట్రెస్ట్ను కూడా అందిస్తుంది.