Brain Test: ఈ ఫ్రూట్ పజిల్‌కు ఆన్సర్ చెప్పగలరా?.. 10 సెకన్లలో సాల్వ్ చేస్తే మీరే తోపు!

Brain Test: సోషల్ మీడియాలో వైరల్ అవుతున్న బ్రెయిన్ టీజర్లు, మ్యాథ్స్ పజిల్స్, ఫ్రూట్ పజిల్స్ నెటిజన్లకు ఓ ఛాలెంజ్ విసురుతున్నాయి. పైకి చాలా సింపుల్‌గా కనిపించే ఈ పజిల్స్‌లో దాగి ఉన్న లాజిక్‌ను గుర్తించడమే అసలు టాస్క్. తాజాగా ఫ్రూట్ పజిల్‌ నెట్టింట చక్కర్లు కొడుతోంది. ఓ టమాటా, స్ట్రాబెర్రీలతో రూపొందించిన ఫ్రూట్ పజిల్ నెటిజన్లను తెగ ఆలోచింపజేస్తోంది. ఈ పజిల్‌కు మీరు 10 సెకన్లలో సమాధానం చెప్పగలరా? అంటూ సవాల్ విసిరారు.

ఇంతకీ పజిల్ ఏంటి?:

ఈ వైరల్ పజిల్‌లో ముందుగా టమాటా, స్ట్రాబెర్రీల మధ్య కూడిక ఇచ్చారు. ఆ తర్వాత అదే రెండు పండ్ల మధ్య తీసివేతను చూపించారు. చివరగా వాటి మధ్య గుణకారం చేసి సమాధానం చెప్పాలని ప్రశ్నించారు.

టమాటా + స్ట్రాబెర్రీ = 6

టమాటా − స్ట్రాబెర్రీ = 2

టమాటా × స్ట్రాబెర్రీ = ?

ఏదో కొత్త ట్విస్ట్:

చాలామంది చివరి సమీకరణను చూసి వెంటనే ఏదో కొత్త ట్విస్ట్ ఉంటుందని భావిస్తారు. కానీ ఈ చిత్రంలో కనిపిస్తున్న టమాటా, స్ట్రాబెర్రీలలో ఎలాంటి మార్పు లేదు. కాబట్టి మొదటి రెండు సమీకరణాల ఆధారంగా వాటి విలువలను గుర్తిస్తే సరిపోతుంది. ముందుగా టమాటా విలువను గుర్తించాలి. టమాటా విలువను T, స్ట్రాబెర్రీ విలువను Sగా తీసుకుందాం.

మొదటి సమీకరణ ప్రకారం:

T + S = 6

రెండో సమీకరణ:

T − S = 2

ఈ రెండు సమీకరణాలను కలిపితే:

2T = 8

అంటే టమాటా విలువ 4.

అప్పుడు మొదటి సమీకరణలో 4ని ప్రతిక్షేపిస్తే:

4 + S = 6

కాబట్టి స్ట్రాబెర్రీ విలువ 2.

మరి చివరి సమాధానం ఎంత?:

ఇప్పుడు చివరి సమీకరణలో టమాటా × స్ట్రాబెర్రీ విలువలను ఉంచాలి.

4 × 2 = 8

ఈ వైరల్ ఫ్రూట్ పజిల్‌కు సరైన సమాధానం 8.

కష్టమైన గణితం ఏమీ లేదు:

ఈ పజిల్‌లో కష్టమైన గణితం ఏమీ లేదు. ఇచ్చిన రెండు సమీకరణాల నుంచి టమాటా, స్ట్రాబెర్రీ విలువలను గుర్తించి.. చివర్లో గుణిస్తే సమాధానం సులభంగా వచ్చేస్తుంది. మీరు కూడా 10 సెకన్లలోనే 8 అని గుర్తించారా?.. అయితే మీ లాజికల్ థింకింగ్ బాగున్నట్టే. ఈ పజిల్‌ను మీ సన్నిహితులకు పంపి వారి ఐక్యూని ఓసారి పరిశీలించండి.