Viral Video : ఆటోలో ‘జెడ్ ప్లస్’ సెక్యూరిటీ.. కుక్క పిల్లతో డ్రైవర్ బాండింగ్ వైరల్.!
Viral Video : మనిషికి అత్యంత విశ్వాసపాత్రమైన జంతువు అంటే మనకు వెంటనే గుర్తొచ్చేది కుక్క. మనుషులతో అంతలా కలిసిపోయే జీవి మరొకటి ఉండదేమో..
Dog at auto
Viral Video : మనిషికి అత్యంత విశ్వాసపాత్రమైన జంతువు అంటే మనకు వెంటనే గుర్తొచ్చేది కుక్క. మనుషులతో అంతలా కలిసిపోయే జీవి మరొకటి ఉండదేమో.. కొందరికి ఇవి కేవలం పెంపుడు జంతువులు మాత్రమే కాదు, తమ కుటుంబంలో ఒక సభ్యుడితో సమానం. కొద్దిగా అప్యాయత, కాస్త ఆహారం ఇస్తే చాలు, తమ జీవితాంతం యజమానికి తోడుగా, ప్రాణానికి ప్రాణంగా ఉంటాయి. సరిగ్గా ఇలాంటి నిస్వార్థమైన ప్రేమానురాగాలకు అద్దం పట్టే ఒక అరుదైన దృశ్యం సోషల్ మీడియాలో వైరల్ అవుతూ నెటిజన్ల హృదయాలను కొల్లగొడుతోంది.
ఆటో డ్రైవర్కు తోడుగా.. స్పెషల్ రైడర్
సాధారణంగా ఆటో డ్రైవర్లు తమ దినచర్యలో ఎంతోమంది ప్రయాణికులను గమ్యస్థానాలకు చేరుస్తూ ఉంటారు. కానీ, ఇక్కడొక ఆటో డ్రైవర్ మాత్రం తన ప్రయాణంలో ఒక ప్రత్యేకమైన తోటి ప్రయాణికుడిని నిరంతరం వెంట తిప్పుకుంటున్నాడు. ఆ ఆటో డ్రైవర్ సీటు పక్కనే ఒక కుక్క పిల్ల ఎంతో హాయిగా కూర్చొని ప్రయాణిస్తుండటం ఈ వీడియోలో చూడవచ్చు. ట్రాఫిక్ సిగ్నల్ వద్ద ఆటో ఆగిన సమయంలో, ఆ డ్రైవర్ ఎంతో అప్యాయంగా ఆ కుక్క తలను నిమురుతూ లాలిస్తుంటే, ఆ మూగ జీవి కూడా ఎంతో నమ్మకంగా, అప్రమత్తంగా చుట్టూ చూస్తూ కూర్చుంది. వారిద్దరి నడుమ ఉన్న ఆప్యాయత చూసే ప్రతి ఒక్కరినీ ఎంతగానో మైమరపిస్తోంది.
సోషల్ మీడియాలో విపరీతంగా వైరల్
ఈ మనసును తాకే దృశ్యాన్ని 'Phd Moment' అనే ఇన్స్టాగ్రామ్ పేజీలో షేర్ చేశారు. ఈ వీడియో నెట్లో ప్రత్యక్షమైన కొద్దిసేపటికే విపరీతంగా వైరల్ అయిపోయింది. ఇప్పటివరకు ఈ వీడియోకు 17 లక్షలకు పైగా (1.7 Million) వీక్షణలు లభించాయి. ఆ వ్యక్తికి, మూగ జీవానికి మధ్య ఉన్న ప్రేమానురాగాలను చూసి నెటిజన్లు ఫిదా అవుతున్నారు.
జెడ్ ప్లస్ సెక్యూరిటీ అంటూ నెటిజన్ల ప్రశంసలు
ఈ వీడియో చూసిన నెటిజన్లు తమదైన శైలిలో కామెంట్ల వర్షం కురిపిస్తున్నారు. దేవుడిని ఇలా మీతో వెంట తీసుకెళ్లాలంటే ఎంతో అదృష్టం చేసుకుని ఉండాలని ఒకరు వ్యాఖ్యానించగా, అసలైన జెడ్ ప్లస్ సెక్యూరిటీ అంటే ఇదేనంటూ మరొకరు సరదాగా కామెంట్ చేశారు. మాటల్లో వర్ణించలేని నిస్వార్థమైన ప్రేమ అంటే ఇదేనని, ఆటో డ్రైవర్ మంచి మనసుకు ప్రశంసలు తెలుపుతూ పలువురు కామెంట్లు పెడుతున్నారు. ఈ రోజుల్లో స్వార్థంతో నిండిన ప్రపంచంలో ఇలాంటి ప్రేమాభిమానాలను చూపిస్తున్న ఆటో డ్రైవర్ ఉదారతకు, ఆ మూగ జీవి విశ్వాసానికి నెటిజన్లు బ్రహ్మరథం పడుతున్నారు.
G Krishna
అక్షరంతో మొదలైన ప్రయాణం.. అంకెల్లో చెప్పాలంటే పదేళ్ల అనుభవం..! 2015లో కెరీర్ స్టార్ట్ చేసి, ప్రింట్ మీడియా నుంచి డిజిటల్ విప్లవం వరకు అన్నిటినీ దగ్గరగా చూశాను. అంతర్జాతీయ పరిణామాల నుంచి దేశ రాజధాని రాజకీయాల వరకు, గల్లీ స్థాయి వార్తల నుంచి ఢిల్లీ స్థాయి విశ్లేషణల వరకు ప్రతి అంశాన్ని లోతుగా అధ్యయనం చేస్తూ కథనాలు అందించాను. టెక్నాలజీ స్పీడ్, బిజినెస్ లెక్కలైనా, ఆస్ట్రాలజీ విశ్లేషణ ఏదైనా.. నా నుంచి వచ్చే ప్రతి కథనం ప్రతి వార్త పాఠకుడికి ఇన్ఫర్మేషన్తో పాటు ఇంట్రెస్ట్ను కూడా అందిస్తుంది.