సైలెంట్‌గా ఓటీటీ బాట పట్టిన అవికా గోర్ ‘అగ్లీ స్టోరీ’.. స్ట్రీమింగ్ ఎక్కడంటే?

Ugly Story: చిన్న సినిమాలకు బాక్సాఫీస్ వద్ద ఆదరణ కరువైతే.. ఎంత వేగంగా డిజిటల్ ప్లాట్‌ఫామ్స్‌లోకి వచ్చేస్తాయో చెప్పడానికి మరో ఉదాహరణ నిలిచింది. టాలీవుడ్ యంగ్ అండ్ టాలెంటెడ్ బ్యూటీ అవికా గోర్, శ్రీ నందు ప్రధాన పాత్రల్లో నటించిన సైకలాజికల్ రొమాంటిక్ థ్రిల్లర్ అగ్లీ స్టోరీ. ప్రణవ్ స్వరూప్ దర్శకత్వం వహించిన ఈ చిత్రం మే 22, 2026న థియేటర్లలో విడుదలైంది. అయితే, థియేట్రికల్ రన్ ముగిసిన వెంటనే ఈ సినిమా డిజిటల్ పార్ట్‌నర్ ‘ఆహాఒక క్రేజీ అప్‌డేట్ ఇచ్చింది. రేపటి నుంచే (జూన్ 5, 2026) ఈ సినిమా ఆహాలో స్ట్రీమింగ్ కానుందని అధికారికంగా ప్రకటించింది.

కేవలం 14 రోజుల్లోనే ఓటీటీలోకి!

సాధారణంగా పెద్ద సినిమాలకు 4 నుండి 6 వారాల ఓటీటీ విండో ఉంటుంది. కానీ, 'అగ్లీ స్టోరీ' థియేటర్లలోకి వచ్చిన సరిగ్గా రెండు వారాలకే (14 రోజుల్లోనే) డిజిటల్ స్క్రీన్స్‌పై సందడి చేయడానికి సిద్ధమైంది. థియేటర్లలో ఆడియన్స్‌ను పెద్దగా కనెక్ట్ చేయలేకపోయిన చిత్రాలను వీలైనంత త్వరగా ఓటీటీలోకి తీసుకువచ్చే సరికొత్త ట్రెండ్‌కు ఈ సినిమా వేదికైంది. ఇటీవలే మెగా కోడలు లావణ్య త్రిపాఠి కొణిదెల నటించిన ‘సతీ లీలావతి’ చిత్రం కూడా రికార్డు స్థాయిలో కేవలం 12 రోజుల్లోనే ఓటీటీలోకి వచ్చేసిన సంగతి తెలిసిందే. ఇప్పుడు అదే ఫార్ములాను అవికా గోర్ సినిమా కూడా ఫాలో అయిపోయింది.

తెలుగుతో పాటు తమిళంలోనూ స్ట్రీమింగ్!

ఈ సినిమాను కేవలం ఒరిజినల్ తెలుగు వెర్షన్‌లోనే కాకుండా.. ‘ఆహా’ ప్లాట్‌ఫామ్ తమిళ డబ్బింగ్ వెర్షన్‌లో కూడా రేపటి నుండి అందుబాటులోకి తీసుకురాబోతోంది. తమిళ ఆడియన్స్‌ను కూడా ఆకట్టుకునేలా ఈ థ్రిల్లర్ సబ్జెక్ట్‌ను రెడీ చేశారు.

రియా జియా ప్రొడక్షన్స్ బ్యానర్‌పై నిర్మితమైన ఈ చిత్రానికి శ్రవణ్ భరద్వాజ్ అద్భుతమైన మ్యూజిక్ అందించారు. సినిమాలో శివాజీ రాజా, రవితేజ మహాదాస్యం కీలక పాత్రల్లో నటించారు. థియేటర్లలో మిస్ అయిన థ్రిల్లర్ జోనర్ లవర్స్ రేపటి నుండి ‘ఆహా’లో ఈ ‘అగ్లీ స్టోరీ’ని హ్యాపీగా వీక్షించవచ్చు.