Banswada: బాన్సువాడలో ఘనంగా స్వాతంత్ర వేడుకలు – జెండా ఎగరేసిన పోచారం

బాన్సువాడ: బాన్సువాడ ఎమ్మెల్యే క్యాంపు కార్యాలయంలో తెలంగాణ రాష్ట్ర ప్రభుత్వ వ్యవసాయ సలహాదారులు, బాన్సువాడ శాసనసభ్యులు పోచారం శ్రీనివాసరెడ్డి జాతీయ జెండాను ఆవిష్కరించి స్వాతంత్ర్య దినోత్సవ వేడుకలను ఘనంగా నిర్వహించారు.

ఈ కార్యక్రమంలో రాష్ట్ర ఆగ్రోస్ ఛైర్మన్ కాసుల బాలరాజు, బాన్సువాడ ఆర్డీవో రవీందర్ రెడ్డి , బాన్సువాడ డీఎస్పీ విఠల్ రెడ్డి , పట్టణ ప్రజాప్రతినిధులు, నాయకులు, అధికారులు, ఉపాధ్యాయులు, విద్యార్థులు పాల్గొన్నారు.

పోచారం శ్రీనివాసరెడ్డి బాన్సువాడ పట్టణంలోని తన నివాసం వద్ద, ఆటోనగర్ వెల్ఫేర్ అసోసియేషన్‌లో, తెలంగాణ మైనారిటీ బాలికల గురుకుల పాఠశాలలో జాతీయ జెండాను ఎగురవేసి స్వాతంత్ర్య సమరయోధుల త్యాగాలను స్మరించుకున్నారు.