Naidupeta: ఆసుపత్రిలో ఇన్పేషెంట్లకు ఉచిత భోజనం ఎమ్మెల్యే విజయశ్రీ!
Naidupeta: నాయుడుపేట సామాజిక ఆరోగ్య కేంద్రంలో ఇన్పేషెంట్లకు ఉచిత భోజన వసతిని సూళ్లూరుపేట ఎమ్మెల్యే డా. నెలవల విజయశ్రీ ప్రారంభించారు.
Naidupeta: ఆసుపత్రిలో ఇన్పేషెంట్లకు ఉచిత భోజనం ఎమ్మెల్యే విజయశ్రీ!
Naidupeta: నాయుడుపేట సామాజిక ఆరోగ్య కేంద్రంలో చికిత్స పొందుతున్న ఇన్పేషెంట్ రోగులకు ఉచిత భోజన వసతిని సూళ్లూరుపేట శాసనసభ్యురాలు డా. నెలవల విజయశ్రీ ప్రారంభించారు.
ఈ సందర్భంగా ఎమ్మెల్యే మాట్లాడుతూ, ప్రభుత్వ ఆసుపత్రులకు వచ్చే వారిలో ఎక్కువ మంది సామాన్య, పేద మరియు మధ్యతరగతి కుటుంబాలకు చెందినవారని, అనారోగ్యంతో ఆసుపత్రిలో చేరిన వారికి వైద్య సేవలతో పాటు పౌష్టికమైన ఆహారం అందించడం కూడా ఎంతో ముఖ్యమని పేర్కొన్నారు.
ప్రభుత్వ ఆసుపత్రుల్లో చికిత్స పొందుతున్న ఇన్పేషెంట్లకు ఉదయం అల్పాహారం, మధ్యాహ్నం భోజనం, రాత్రి భోజనం ఉచితంగా అందించే డైట్ విధానాన్ని ప్రభుత్వం అమలు చేస్తోందని తెలిపారు. రోగుల ఆరోగ్య పరిస్థితిని బట్టి వైద్యుల సూచనల మేరకు అవసరమైన ప్రత్యేక ఆహారాన్ని కూడా అందించాలని సూచించారు.
మందులు ఎంత ముఖ్యమో, రోగి త్వరగా కోలుకోవడానికి పౌష్టికాహారం కూడా అంతే ముఖ్యం అని ఎమ్మెల్యే పేర్కొన్నారు. ప్రభుత్వం నిర్దేశించిన నిబంధనలు, మెనూ ప్రకారం రోగులకు నాణ్యమైన, పరిశుభ్రమైన, పౌష్టికమైన భోజనాన్ని సకాలంలో అందించాలని సంబంధిత నిర్వాహకులకు సూచించారు. ఆసుపత్రి వైద్యులు, సిబ్బంది భోజనం నాణ్యతను ఎప్పటికప్పుడు పర్యవేక్షించాలని కోరారు.
ముఖ్యమంత్రి నారా చంద్రబాబు నాయుడు నాయకత్వంలోని కూటమి ప్రభుత్వం ప్రజారోగ్యానికి అత్యంత ప్రాధాన్యత ఇస్తోందని ఎమ్మెల్యే తెలిపారు. ప్రభుత్వ ఆసుపత్రుల్లో పేద ప్రజలకు మెరుగైన వైద్యం, మందులు, పరీక్షలు, భోజనం మరియు అవసరమైన మౌలిక సదుపాయాలు అందుబాటులో ఉండేలా ప్రభుత్వం చర్యలు తీసుకుంటోందన్నారు.సూళ్లూరుపేట నియోజకవర్గంలోని ప్రభుత్వ వైద్యశాలల్లో ప్రజలకు మెరుగైన వైద్య సేవలు అందేలా నిరంతరం కృషి చేస్తామని ఎమ్మెల్యే డా. నెలవల విజయ శ్రీ పేర్కొన్నారు.