Atmakur: పట్టణంలో పారిశుద్ధ్య పనులపై మున్సిపల్ కమిషనర్ క్షేత్రస్థాయి నిఘా

ఆత్మకూరు: నెల్లూరు జిల్లా ఆత్మకూరు పట్టణంలోని పలు ప్రాంతాల్లో కొనసాగుతున్న పారిశుద్ధ్య పనులను మున్సిపల్ కమిషనర్ గంగాప్రసాద్ క్షేత్రస్థాయిలో పరిశీలించారు. వీధుల పరిశుభ్రత, చెత్త సేకరణ, డ్రైనేజీల శుభ్రత తదితర పనులను పరిశీలించి అధికారులకు, సిబ్బందికి పలు సూచనలు చేశారు.

పట్టణంలో పారిశుద్ధ్య నిర్వహణను నిరంతరం సమర్థవంతంగా చేపట్టి ప్రజలకు పరిశుభ్రమైన వాతావరణం కల్పించాలని ఆదేశించారు. ప్రజలు కూడా తమ పరిసరాలను పరిశుభ్రంగా ఉంచుతూ చెత్తను నిర్ణీత ప్రదేశాల్లోనే వేయాలని, మున్సిపల్ సిబ్బందికి సహకరించాలని కమిషనర్ గంగాప్రసాద్ కోరారు.