New Delhi: పరిశ్రమల స్థాయి సంఘం సమావేశంలో ఎంపీ బీద మస్తాన్ రావు!

New Delhi: "పార్లమెంటరీ పరిశ్రమల స్థాయి సంఘం సమావేశంలో పాల్గొన్న ఎంపీ బీద మస్తాన్ రావు యాదవ్"

ఆంధ్రప్రదేశ్‌కు చెందిన రాజ్యసభ సభ్యులు, పార్లమెంటరీ పరిశ్రమల శాఖ సంబంధిత స్థాయి సంఘం (Department-related Parliamentary Standing Committee on Industry) సభ్యులు డా. బీద మస్తాన్ రావు యాదవ్ ఈ రోజు (05-08-2026) న్యూఢిల్లీలోని సంవిధాన్ సదన్ (పాత పార్లమెంట్ భవనం) లో జరిగిన కమిటీ సమావేశంలో పాల్గొన్నారు.

ఈ సమావేశానికి కమిటీ చైర్మన్ అధ్యక్షత వహించగా, పరిశ్రమల రంగానికి సంబంధించిన రెండు ముఖ్యమైన కమిటీ నివేదికల ముసాయిదాలను సభ్యులు సమగ్రంగా పరిశీలించి, చర్చించిన అనంతరం వాటిని ఆమోదించారు.

సమావేశంలో పాల్గొన్న డా. బీద మస్తాన్ రావు యాదవ్ దేశ పారిశ్రామికాభివృద్ధి, తయారీ రంగ బలోపేతం, సూక్ష్మ, చిన్న మరియు మధ్యతరహా పరిశ్రమల (MSMEs) ప్రోత్సాహం, పెట్టుబడుల ఆకర్షణ, ఉపాధి అవకాశాల విస్తరణ వంటి అంశాలపై కమిటీ చేస్తున్న కృషి దేశ ఆర్థికాభివృద్ధికి దోహదపడుతుందని పేర్కొన్నారు.

పార్లమెంటరీ స్థాయి సంఘాల ద్వారా రూపొందించే నివేదికలు కేంద్ర ప్రభుత్వ విధానాల రూపకల్పనలో కీలక పాత్ర పోషిస్తాయని, ప్రజలకు ఉపయోగపడే సమర్థవంతమైన విధానాల రూపకల్పనకు ఇటువంటి సమావేశాలు ఎంతో ముఖ్యమని ఆయన అభిప్రాయపడ్డారు.