Lucknow Kanpur Expressway : 12 రోజులకే కుంగిన ఎక్స్‌ప్రెస్‌వే.. కోట్ల ప్రాజెక్ట్‌పై ప్రశ్నల వర్షం.!

Lucknow Kanpur Expressway : ఉత్తరప్రదేశ్‌లోని ఉన్నావో వద్ద గ్రీన్‌ఫీల్డ్ నేషనల్ ఎలివేటెడ్ ఎక్స్‌ప్రెస్‌వేలోని ఒక భాగం ప్రారంభించిన కేవలం 12 రోజులకే భారీగా కుంగిపోవడం తీవ్ర కలకలం రేపింది. ఈ ఘటనతో రోడ్ల నిర్మాణ నాణ్యత , పనుల పర్యవేక్షణపై సరికొత్త ప్రశ్నలు నిలదీస్తున్నాయి. కేంద్ర రక్షణ మంత్రి రాజ్‌నాథ్ సింగ్, కేంద్ర రహదారి రవాణా , జాతీయ రహదారుల శాఖ మంత్రి నితిన్ గడ్కరీ, , ఉత్తరప్రదేశ్ ముఖ్యమంత్రి యోగి ఆదిత్యనాథ్ ఉన్నావోలోని 49వ కిలోమీటర్ వద్ద ఈ ప్రాజెక్ట్‌ను స్వయంగా పరిశీలించి లక్నో-కాన్పూర్ ఎక్స్‌ప్రెస్‌వేను ప్రారంభించారు.

వర్షాల ధాటికి కుంగిన రహదారి , రాజకీయ దుమారం

ఉన్నాల్‌లోని కొరారి సమీపంలో కాన్పూర్ నుండి లక్నో వెళ్లే వైపు ఉన్న ఎక్స్‌ప్రెస్‌వే భాగం దాదాపు ఐదు నుండి ఏడు మీటర్ల మేర లోతుకు దిగబడింది. ఆ ప్రాంతంలో కురిసిన భారీ వర్షాల కారణంగా రోడ్డు కింద ఉన్న మట్టి పక్కకు జరిగిపోవడమే ఈ కుంగుబాటుకు కారణమని అధికారులు చెబుతున్నారు. దెబ్బతిన్న భాగంలో అధికారులు తాత్కాలికంగా ప్యాచ్‌వర్క్ చేసి రాకపోకలను పునరుద్ధరించారు. సమాజ్‌వాదీ పార్టీ నాయకుడు మధుసూదన్ యాదవ్ దెబ్బతిన్న రోడ్డు దృశ్యాలను సోషల్ మీడియాలో పంచుకుంటూ ఈ కోట్లాది రూపాయల ప్రాజెక్ట్ నిర్మాణ నాణ్యతను తీవ్రంగా ప్రశ్నించారు. గతంలో కూడా ఈ రహదారి ప్రారంభానికి ముందే దెబ్బతిన్నప్పుడు యూపీ మంత్రి దినేష్ ప్రతాప్ సింగ్ స్పందిస్తూ నిర్మాణ సమయంలో రోడ్లు పాడవ్వడం సహజమని వ్యాఖ్యానించడం విశేషం.

లక్నో-కాన్పూర్ ఎక్స్‌ప్రెస్‌వే ప్రత్యేకతలు , ప్రయాణ వివరాలు

63 కిలోమీటర్ల పొడవు, ఆరు వరసల విస్తరణతో ఉన్న ఈ లక్నో-కాన్పూర్ ఎక్స్‌ప్రెస్‌వే భారతదేశంలోనే రెండవ అతిపొడవైన ఎలివేటెడ్ కారిడార్‌ను కలిగి ఉంది. ఆటోమేటెడ్ , ఇంటెలిజెంట్ మెషిన్-గైడెడ్ నిర్మాణ సాంకేతికతతో రూపొందించబడిన ఈ రహదారిపై ప్రయాణ సమయం గణనీయంగా తగ్గింది. గంటకు 120 కిలోమీటర్ల వేగంతో ప్రయాణించేలా రూపుదిద్దుకున్న ఈ మార్గం వల్ల లక్నో , కాన్పూర్ మధ్య ప్రయాణ సమయం కేవలం 35 నుండి 45 నిమిషాలకు కుదించబడింది.

భద్రతా వ్యవస్థలు , నిబంధనలు

ఈ ఎక్స్‌ప్రెస్‌వే ప్రయాణికుల భద్రత కోసం అత్యాధునిక సాంకేతికతను కలిగి ఉంది. వేగాన్ని పర్యవేక్షించేందుకు ఆర్టిఫిషియల్ ఇంటెలిజెన్స్ (AI) ఆధారిత వ్యవస్థలను, ప్రతి రెండు కిలోమీటర్లకు ఒక అత్యవసర కాల్ బాక్స్‌ను , నిరంతరం పనిచేసే రెండు కంట్రోల్ రూమ్‌లను ఇందులో ఏర్పాటు చేశారు. ఈ రహదారిపై కార్లకు ఒకవైపు ప్రయాణానికి టోల్ రుసుముగా రూ. 275 నిర్ణయించగా, భద్రతా కారణాల రీత్యా ద్విచక్ర వాహనాల ప్రవేశాన్ని పూర్తిగా నిషేధించారు.

JUST 12 DAYS…..

Repair works begun…….on the 📍LUCKNOW-KANPUR EXPRESSWAY that was INAUGURATED less then 2 weeks ago on 🗓️ - 13 July by Defence Minister Rajnath Singh, Transport minister Nitin Gadkari and #UP #CM Yogi Adityanath😏 pic.twitter.com/yTwsS02F4t

— KALLURI (@I_KALLURI) July 26, 2026