CM Vijay: థియేటర్లకు భారీ ఊరట ఇచ్చిన సీఎం విజయ్

CM Joseph Vijay: తమిళ సూపర్ స్టార్, తమిళనాడు ముఖ్యమంత్రి సి. జోసెఫ్ విజయ్ సినీ పరిశ్రమకు ఊరటనిచ్చేలా ఒక సంచలన నిర్ణయం తీసుకున్నారు. ఓటీటీ విప్లవం తర్వాత థియేట్రికల్ రెవెన్యూను పెంచడం ఎలా? చిత్ర పరిశ్రమను సంక్షోభం నుండి ఎలా గట్టెక్కించాలి? అనే విషయాలపై ఇటీవలే కోలీవుడ్ సినీ ప్రముఖులు ముఖ్యమంత్రితో భేటీ అయి పలు ప్రతిపాదనలు సమర్పించారు. పరిశ్రమ వర్గాల విజ్ఞప్తిపై సానుకూలంగా స్పందించిన సీఎం విజయ్.. కొత్తగా విడుదలయ్యే చిత్రాల మొదటి వారం రోజుల్లో రోజుకు 5 షోలు ప్రదర్శించుకునేందుకు అధికారికంగా అనుమతినిచ్చారు.

అధికారిక ఎక్స్ (X) ఖాతా ద్వారా ప్రకటన

సినిమా టికెట్ల బుకింగ్స్ ఆలస్యం కావడం, షో టైమింగ్స్ విషయంలో నెలకొంటున్న అనిశ్చితిని తొలగిస్తూ ముఖ్యమంత్రి విజయ్ తన అధికారిక సీఎం ఎక్స్ (గతంలో ట్విట్టర్) హ్యాండిల్ ద్వారా ఒక పత్రికా ప్రకటనను విడుదల చేశారు.

“మే 16, 2026 న తమిళ చిత్ర పరిశ్రమ ప్రతినిధులు నన్ను కలిసి పలు డిమాండ్లను సమర్పించారు. అందులో ముఖ్యంగా తమిళనాడు అంతటా కొత్త సినిమాలకు రోజుకు ఐదు షోల ప్రదర్శనకు అనుమతించాలని కోరారు. వారి విజ్ఞప్తిని పరిశీలించి, తమిళనాడు సినిమా థియేటర్ల (రెగ్యులేషన్) నిబంధనలను సవరిస్తూ ఈ నిర్ణయం తీసుకున్నాం” అని సీఎం నోట్‌లో పేర్కొన్నారు.

https://twitter.com/CMOTamilnadu/status/2058889168353464632

నిబంధనల్లో కీలక మార్పులు ఇవే:

నూతన సవరణల ప్రకారం ప్రభుత్వం థియేటర్ల యజమానులకు, నిర్మాతలకు భారీ ఊరటనిచ్చింది. తమిళనాడులోని అన్ని థియేటర్లు కొత్తగా విడుదలయ్యే చిత్రాలకు మొదటి 7 రోజుల పాటు రోజుకు 5 షోలు ప్రదర్శించుకోవచ్చు. స్థానిక పండుగలు, ప్రభుత్వ సెలవు దినాలు శని, ఆదివారాలలో కూడా 5 షోల ప్రదర్శనకు శాశ్వత అనుమతి ఉంటుంది. అత్యంత కీలకమైన మార్పు ఏమిటంటే, ఈ 5 షోల ప్రదర్శన కోసం నిర్మాతలు ఇకపై ప్రభుత్వం నుండి లేదా లైసెన్సింగ్ అధికారుల నుండి ఎలాంటి ప్రత్యేక అనుమతులు పొందాల్సిన అవసరం లేదు.

1957 నాటి పాత నిబంధనలకు స్వస్తి

గతంలో అమలులో ఉన్న 'తమిళనాడు సినిమా థియేటర్స్ (రెగ్యులేషన్) రూల్స్, 1957' లోని కండిషన్ 14-A ప్రకారం థియేటర్లలో రోజుకు కేవలం నాలుగు షోలకు మాత్రమే అనుమతి ఉండేది. పండుగ రోజుల్లో అదనపు షో కావాలంటే చెన్నైలో పోలీస్ కమిషనర్ నుండి, జిల్లాల్లో డిస్ట్రిక్ట్ కలెక్టర్ నుండి ముందస్తు అనుమతి తప్పనిసరిగా తీసుకోవాల్సి వచ్చేది. దీనివల్ల ప్రదర్శనల సమయంలో తీవ్ర గందరగోళం నెలకొనేది.

ఇదిలా ఉంటే, నటుడిగా సీఎం విజయ్ నటిస్తున్న చివరి చిత్రం ‘జన నాయగన్’ జూన్ 19న ప్రపంచవ్యాప్తంగా విడుదల కానుంది. తాను నటించిన చివరి సినిమా విడుదలకు ముందే, పరిశ్రమ బాగుకోసం విజయ్ ఈ జీవోను తీసుకురావడం పట్ల కోలీవుడ్ నిర్మాతలు, ఎగ్జిబిటర్లు హర్షం వ్యక్తం చేస్తున్నారు.

தமிழ்நாட்டிலுள்ள அனைத்து திரையரங்குகளில், புதிய தமிழ்த் திரைப்படங்கள் வெளியிடப்படும் நாளிலிருந்து ஏழு நாட்களுக்கு தினசரி ஜந்து காட்சிகள் திரையிடஅனுமதியளித்து⁰மாண்புமிகு தமிழ்நாடு முதலமைச்சர்
திரு ச.ஜோசப் விஜய் அவர்கள் உத்தரவு#CMJosephVijay‌ pic.twitter.com/RpUK6AL8kC

— CMOTamilNadu (@CMOTamilnadu) May 25, 2026