AIADMK: టీవీకే గెలుపుపై ఛాలెంజ్.. మీసాలు తీసేసుకున్న అన్నాడీఎంకే నాయకుడు

AIADMK: శాసనసభ ఎన్నికల నేపథ్యంతో ఇచ్చిన సవాలును నెరవేరుస్తూ నీలగిరి జిల్లా అన్నాడీఎంకే కార్యదర్శి, న్యాయవాది బాలనందకుమార్‌ తన మీసాలు తీసేశారు. శాసనసభ ఎన్నికల సమయంలో తమిళగ వెట్రి కళగం (టీవీకే) పార్టీ 10 కంటే ఎక్కువ స్థానాల్లో గెలుపొందితే తాను మీసాలు తీసేస్తానని గతంలో ఆయన సవాల్ విసిరారు. ఎన్నికల ఫలితాల్లో టీవీకే పార్టీ 108 స్థానాల్లో విజయం సాధించి అధికారంలోకి రావడంతో, ఆయన తన మాట ప్రకారమే మీసాలు తీసేసుకున్నారు.

ఈ విషయాన్ని బాలనందకుమార్‌ స్వయంగా సోషల్ మీడియా వేదికగా వెల్లడించారు. తాను విసిరిన సవాలుకు కట్టుబడి మీసాలు తీసేసినట్లు పేర్కొనడంతో ఈ వార్త స్థానికంగా మరియు సోషల్ మీడియాలో వైరల్‌గా మారింది.