BRICS Summit: ఢిల్లీ చేరుకున్న రష్యా అధ్యక్షుడు పుతిన్..ప్రధాని మోడీతో భేటీ

Vladimir Putin: విశ్వ వేదికపై మరో చారిత్రాత్మక ఘట్టానికి ఢిల్లీ వేదికైంది. 18వ బ్రిక్స్ శిఖరాగ్ర సదస్సులో పాల్గొనడానికి, భారత ప్రధాని నరేంద్ర మోడీతో అత్యంత కీలకమైన ద్వైపాక్షిక చర్చలు జరిపేందుకు రష్యా అధ్యక్షుడు వ్లాదిమిర్ పుతిన్ శుక్రవారం ఉదయం భారత్‌లో అడుగుపెట్టారు.

విమానాశ్రయానికి చేరుకున్న పుతిన్‌కు విదేశీ వ్యవసాయ శాఖ సహాయ మంత్రి కీర్తి వర్ధన్ సింగ్ ఘనంగా స్వాగతం పలికారు. ఫిబ్రవరి 2022లో ఉక్రెయిన్ యుద్ధం ప్రారంభమైన తర్వాత, రష్యా వెలుపల పుతిన్ భౌతికంగా హాజరవుతున్న తొలి బ్రిక్స్ సదస్సు ఇదే కావడం గమనార్హం.

ప్రస్తుతం ప్రపంచాన్ని ఆందోళనకు గురిచేస్తున్న పలు అంతర్జాతీయ పరిస్థితుల నడుమ ఈ సదస్సు జరుగుతోంది. కొనసాగుతున్న భౌగోళిక ఘర్షణలు, హార్ముజ్ జలసంధి దిగ్బంధన భయాల ప్రభావం.

ప్రెసిడెంట్ ట్రంప్ హయాంలో తీసుకుంటున్న సుంకాలు, వాణిజ్య సవాళ్లు. సరుకుల రవాణా, ఇంధన మరియు ఆహార భద్రతపై అంతర్జాతీయ ఒత్తిడి. ఈ సదస్సు కోసం ప్రపంచం నలుమూలల నుంచి దిగ్గజ నాయకులు ఢిల్లీకి తరలివస్తున్నారు.

చైనా అధ్యక్షుడు షీ జిన్‌పింగ్, ఇరాన్ అధ్యక్షుడు మసూద్ పెజెష్కియన్, దక్షిణాఫ్రికా అధ్యక్షుడు సిరిల్ రమఫోసా, ఇండోనేషియా అధ్యక్షుడు ప్రబోవో సుబియాంటో, ఈజిప్ట్ అధ్యక్షుడు అబ్దెల్ ఫత్తా ఎల్-సిసి, మలేషియా ప్రధాని అన్వర్ ఇబ్రహీం, అబుదాబి క్రౌన్ ప్రిన్స్ మొహమ్మద్ బిన్ జాయెద్ అల్ నహ్యాన్, ఇథియోపియా ప్రధాని అబియ్ అహ్మద్ అలీ, వియత్నాం ప్రధాని లే మిన్ హుంగ్ తదితరులు పాల్గొంటున్నారు.

సదస్సు ప్రారంభానికి ముందు భారత్-రష్యా సంబంధాలను మరింత వేగవంతం చేసే దిశగా ప్రధాని మోడీ, అధ్యక్షుడు పుతిన్ మధ్య ద్వైపాక్షిక చర్చలు జరగనున్నాయి. అలాగే, పర్యటనలో భాగంగా పుతిన్ వార్షిక బ్రిక్స్ బిజినెస్ ఫోరమ్ ప్లీనరీ సమావేశంలో ప్రసంగించనున్నారు. భారత్ వేదికగా జరుగుతున్న ఈ సదస్సు గ్లోబల్ సౌత్ దేశాల ఆర్థిక ప్రాధాన్యతలను మరియు భవిష్యత్తు వ్యూహాలను నిర్దేశించడంలో దిశా నిర్దేశం చేయనుంది.