Maddirala: మద్దిరాలలో ఘనంగా రాజీవ్ గాంధీ జయంతి వేడుకలు!

మద్దిరాల: సూర్యాపేట జిల్లా తుంగతుర్తి నియోజకవర్గం భారత్ మాజీ ప్రధాని, దేశ విజ్ఞాన సాంకేతిక విప్లవానికి మార్గదర్శకుడు రాజీవ్ గాంధీ 82వ జయంతి వేడుకలను మద్దిరాల మండల కేంద్రంలో కాంగ్రెస్ పార్టీ ఆధ్వర్యంలో ఘనంగా నిర్వహించారు. తుంగతుర్తి ఎమ్మెల్యే మందుల సామెల్ ఆదేశాల మేరకు, మండల కాంగ్రెస్ పార్టీ అధ్యక్షుడు పచ్చిపాల వెంకన్న యాదవ్ నేతృత్వంలో ఈ కార్యక్రమం జరిగింది. ఈ సందర్భంగా కాంగ్రెస్ నాయకులు రాజీవ్ గాంధీ చిత్రపటానికి పూలమాలలు వేసి ఘనంగా నివాళులర్పించారు.

21వ శతాబ్దపు భారత నిర్మాణానికి మార్గదర్శకుడు ఈ సందర్భంగా మండల కాంగ్రెస్ పార్టీ అధ్యక్షుడు పచ్చిపాల వెంకన్న యాదవ్ మాట్లాడుతూ.. రాజీవ్ గాంధీ 1944 ఆగస్టు 20న జన్మించారని, 1984లో 40 ఏళ్ల వయస్సులోనే భారత ప్రధానిగా బాధ్యతలు చేపట్టి దేశంలోనే అత్యంత పిన్న వయస్కుడైన ప్రధానిగా చరిత్ర సృష్టించారని గుర్తుచేశారు. ఆధునిక సాంకేతిక పరిజ్ఞానం, కంప్యూటర్ విప్లవానికి ప్రాధాన్యతనిస్తూ భారతదేశాన్ని 21వ శతాబ్దంలోకి నడిపించిన దూరదృష్టి కలిగిన నాయకుడని కొనియాడారు.

దేశ ఐక్యత, విజ్ఞానం, సాంకేతిక రంగం, యువత భవిష్యత్తు కోసం రాజీవ్ గాంధీ చేసిన సేవలు చిరస్మరణీయమని అన్నారు. ఆయన సేవలను గుర్తించిన భారత ప్రభుత్వం మరణానంతరం దేశ అత్యున్నత పౌర పురస్కారం ‘భారతరత్న’తో గౌరవించిందని తెలిపారు.

పెద్ద సంఖ్యలో పాల్గొన్న కాంగ్రెస్ శ్రేణులు ఈ జయంతి వేడుకల్లో మండల సేవాదళ్ నాయకులు, కాంగ్రెస్ పార్టీ మండల, జిల్లా స్థాయి నాయకులు, యూత్ కాంగ్రెస్ ప్రతినిధులు, వివిధ గ్రామాల సర్పంచులు, మాజీ ఎంపీటీసీలు, కాంగ్రెస్ పార్టీ వివిధ హోదాల్లో ఉన్న నాయకులు, కార్యకర్తలు పెద్ద సంఖ్యలో పాల్గొన్నారు.