Maddirala: మద్దిరాల తహసీల్దార్ కార్యాలయ నిర్మాణంపై వివాదం.. స్థానికుల నిరసన!
Maddirala: సూర్యాపేట జిల్లా మద్దిరాల తహసీల్దార్ కార్యాలయాన్ని గోరంట్ల శివారుకు మార్చాలనే ప్రతిపాదనపై స్థానికులు, ప్రజా సంఘాలు తీవ్ర ఆగ్రహం వ్యక్తం చేస్తున్నారు.
Maddirala: మద్దిరాల తహసీల్దార్ కార్యాలయ నిర్మాణంపై వివాదం.. స్థానికుల నిరసన!
మద్దిరాల: సూర్యాపేట జిల్లా తుంగతుర్తి నియోజకవర్గంలో మద్దిరాల మండల పరిపాలనా భవన నిర్మాణం వివాదాస్పదమైంది.ఎంఆర్వో కార్యాలయాన్ని మద్దిరాల పరిధిలో కాకుండా గోరంట్ల శివారుకు మార్చాలనే ప్రయత్నాలపై స్థానికులు, ప్రజాసంఘాలు నిప్పులు చెరుగుతున్నాయి.
గోరంట్లకు చెందిన ఓ రియల్ ఎస్టేట్ వ్యాపారి తన వ్యాపార ప్రయోజనాల కోసం, రాజకీయ నాయకులతో కుమ్మక్కై ఉచిత స్థలమనే ముసుగుతో ఈ కుట్రకు తెరలేపారని ఆరోపిస్తున్నారు. మద్దిరాల ఎక్స్ రోడ్డు వద్ద దాదాపు 18 ఎకరాల ప్రభుత్వ భూమి అందుబాటులో ఉన్నప్పటికీ, దానిని విస్మరించి వేరే ప్రాంతాన్ని ఎంపిక చేయడం వెనుక దురుద్దేశాలు ఉన్నాయని మండిపడుతున్నారు.
ప్రజా సౌకర్యాన్ని గాలికి వదిలేసి, వ్యక్తిగత లాభాల కోసం నిర్ణయాలు తీసుకుంటే సహించేది లేదని హెచ్చరిస్తున్నారు. ప్రభుత్వం తక్షణమే స్పందించి గోరంట్ల ప్రతిపాదనను విరమించుకోవాలని, మద్దిరాల పరిధిలోని ప్రభుత్వ భూమిలోనే తహసీల్దార్ కార్యాలయాన్ని నిర్మించాలని డిమాండ్ చేస్తున్నారు.