Paradise Movie: ‘యేష నాగుల’ మాస్ రికార్డు.. 5 రోజుల్లోనే 50 మిలియన్ వ్యూస్..!

Yesha Nagula Song: నేచురల్ స్టార్ నాని కథానాయకుడిగా నటిస్తున్న తాజా చిత్రం ‘ప్యారడైజ్’ నుంచి విడుదలైన మాస్ నంబర్ ‘యేష నాగుల’ డిజిటల్ ప్లాట్‌ఫామ్‌లలో సరికొత్త చరిత్ర సృష్టించింది. విడుదలైన అతి తక్కువ సమయంలోనే యూట్యూబ్‌లో అగ్రస్థానంలో ట్రెండ్ అవుతూ ప్రేక్షకులను విశేషంగా ఆకట్టుకుంటోంది. కేవలం 5 రోజుల్లోనే 50 మిలియన్లకు పైగా వ్యూస్ సాధించినట్లు చిత్ర బృందం అధికారికంగా ప్రకటించింది. దీంతో తెలుగు చిత్ర పరిశ్రమ చరిత్రలోనే అత్యంత వేగంగా ఈ మైలురాయిని చేరుకున్న తొలి తెలుగు పాటగా ఈ మాస్ ట్రాక్ సరికొత్త రికార్డును నెలకొల్పింది. వరుస విజయాలతో దూసుకుపోతున్న నాని చిత్రాలకు సంగీతం ప్రధాన బలంగా నిలుస్తుండగా, ఈ పాట కూడా సినిమాపై అంచనాలను భారీగా పెంచేసింది.

రికార్డు వ్యూస్‌తో దూకుడు

విడుదలైన మొదటి రోజు నుంచే శ్రోతల నుంచి అద్భుత స్పందన తెచ్చుకున్న ఈ మాస్ సాంగ్, యూట్యూబ్ మ్యూజిక్ విభాగంలో నంబర్ వన్ స్థానాన్ని నిలబెట్టుకుంది. మాస్ బీట్స్, నాని ఎనర్జిటిక్ డ్యాన్స్ మూమెంట్స్ ప్రధాన ఆకర్షణగా నిలవడంతో సంగీత ప్రియులు ఈ పాటను పదే పదే వీక్షిస్తున్నారు.

విడుదలకు సిద్ధమైన ‘ప్యారడైజ్’

పాట సాధిస్తున్న విశేష స్పందనతో చిత్ర బృందం ప్రచార కార్యక్రమాలను మరింత వేగవంతం చేసింది. అన్ని వర్గాల ప్రేక్షకులను ఆకట్టుకునే అంశాలతో రూపొందిన ఈ చిత్రం ఈనెల 24న థియేటర్లలో గ్రాండ్‌గా విడుదల కానుంది.