100 కోట్ల క్లబ్లోకి ‘పెద్ది’.. ఉపాసన గ్రాండ్ సెలబ్రేషన్స్
Upasana Konidela: రామ్ చరణ్ సతీమణి, గ్లోబల్ ఎంటర్ప్రెన్యూర్ ఉపాసన కొణిదెల అభిమానులతో కలిసి ‘పెద్ది’ ఘన విజయాన్ని గ్రాండ్గా సెలబ్రేట్ చేసుకున్నారు.
100 కోట్ల క్లబ్లోకి ‘పెద్ది’.. ఉపాసన గ్రాండ్ సెలబ్రేషన్స్
Upasana Konidela: మెగా పవర్ స్టార్ రామ్ చరణ్, క్రియేటివ్ డైరెక్టర్ బుచ్చిబాబు సానా కాంబినేషన్లో వచ్చిన మోస్ట్ అవేటెడ్ స్పోర్ట్స్ యాక్షన్ డ్రామా ‘పెద్ది’ బాక్సాఫీస్ వద్ద సంచలనాలు సృష్టిస్తోంది. నిన్న (జూన్ 4, 2026) ప్రపంచవ్యాప్తంగా భారీ అంచనాల మధ్య విడుదలైన ఈ చిత్రం, మిక్స్డ్ టు పాజిటివ్ టాక్తో సంబంధం లేకుండా కలెక్షన్ల సునామీ సృష్టిస్తోంది. తొలిరోజే వరల్డ్ వైడ్గా రూ.100 కోట్ల క్లబ్ లో చేరి సరికొత్త రికార్డులను తిరగరాసింది. ఈ గ్రాండ్ సక్సెస్ పట్ల మెగా క్యాంప్ మగధీరుడి రేంజ్ ఉత్సాహంలో ఉంది.
ఈ క్రమంలోనే రామ్ చరణ్ సతీమణి, గ్లోబల్ ఎంటర్ప్రెన్యూర్ ఉపాసన కొణిదెల అభిమానులతో కలిసి ‘పెద్ది’ ఘన విజయాన్ని గ్రాండ్గా సెలబ్రేట్ చేసుకున్నారు. దీనికి సంబంధించిన వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.
ఫ్యాన్స్తో కలిసి కేక్ కట్టింగ్.. బాణసంచా మోత!
వైరల్ అవుతున్న వీడియోలో ఉపాసన చాలా సింపుల్ పింక్ కలర్ కుర్తా సెట్లో మెరిశారు. ‘పెద్ది బ్లాక్బస్టర్’ అని రాసి ఉన్న ఒక భారీ కస్టమైజ్డ్ కేక్ను ఆమె అభిమానుల సమక్షంలో కట్ చేశారు. ఈ కేక్పై ఐదు నక్షత్రాలు ఉండటం విశేషం.
సెలబ్రేషన్స్ సందర్భంగా మెగా ఫ్యాన్స్ పెద్ద ఎత్తున బాణసంచా కాలుస్తూ హంగామా చేశారు. ఉపాసన అక్కడకు వచ్చిన చిన్న పిల్లలతో ముచ్చటించడమే కాకుండా, వారికి స్వయంగా కేక్ తినిపించి తన ఆనందాన్ని పంచుకున్నారు. చుట్టూ ఉన్న అభిమానులు ‘ట్వంటీ ఫోర్ క్యారెట్ గోల్డ్’ అంటూ స్లోగన్స్ ఇస్తూ చప్పట్లతో హోరెత్తించారు.
థియేటర్లో పేపర్లు చల్లుతూ రచ్చ చేసిన ఉపాసన!
ఉపాసన తన భర్త సినిమాను థియేటర్లో ఫ్యాన్స్తో కలిసి ఎంజాయ్ చేయడం ఇదే మొదటిసారి కాదు. అంతకుముందు హైదరాబాద్లోని ఒక థియేటర్లో ఆమె ఫ్యాన్స్ మధ్య కూర్చుని సినిమా చూసిన వీడియో కూడా తెగ హల్చల్ చేసింది.
రామ్ చరణ్ ఎంట్రీ సీన్స్, మాస్ డైలాగ్స్కు థియేటర్లో ఫ్యాన్స్ పేపర్లు చల్లుతూ గోల చేస్తుంటే.. ఉపాసన కూడా కింద పడిన పేపర్ ముక్కలను చేతుల్లోకి తీసుకుని గాల్లోకి చల్లుతూ ఫుల్ జోష్లో కనిపించారు. ఒక సాదాసీదా అభిమానిలా ఉపాసన చేసిన ఈ పనికి నెటిజన్లు ఫిదా అవుతున్నారు.
తొలిరోజే రూ.112.49 కోట్ల కలెక్షన్ల సునామీ!
ట్రేడ్ వర్గాల అంచనాల ప్రకారం.. ‘పెద్ది’ సినిమా మొదటి రోజు ఇండియన్ బాక్సాఫీస్ వద్ద దాదాపు రూ.69 కోట్ల గ్రాస్ వసూలు చేసింది. ఓవర్సీస్ మార్కెట్లోనూ రామ్ చరణ్ క్రేజ్ నెక్స్ట్ లెవెల్లో పనిచేయడంతో, మొత్తంగా తొలిరోజు వరల్డ్ వైడ్ కలెక్షన్స్ రూ.112.49 కోట్లకు చేరినట్లు తెలుస్తోంది. ఈ ఏడాది టాలీవుడ్లో వన్ ఆఫ్ ది బిగ్గెస్ట్ ఓపెనింగ్స్గా ‘పెద్ది’ రికార్డు సృష్టించింది.
జాన్వీ కపూర్, శివరాజ్కుమార్, జగపతి బాబు, డివ్యేందు, బొమన్ ఇరానీ కీలక పాత్రలు పోషించిన ఈ చిత్రాన్ని వృద్ధి సినిమాస్, ఐవీ ఎంటర్టైన్మెంట్, మైత్రీ మూవీ మేకర్స్ , సుకుమార్ రైటింగ్స్ సంయుక్తంగా నిర్మించాయి. ఈ వీకెండ్లో ‘పెద్ది’ మరిన్ని వసూళ్ల రికార్డులను బద్దలు కొట్టడం ఖాయంగా కనిపిస్తోంది.
Srinivas Rao
శ్రీనివాస్ రావు జర్నలిజం రంగంలో దశాబ్దానికి పైగా అనుభవం కలిగిన కంటెంట్ రైటర్, సబ్ ఎడిటర్. రాజకీయాలు, ప్రాంతీయ, జాతీయ, అంతర్జాతీయ, లైఫ్ స్టైల్, క్రైమ్ వంటి విభిన్న అంశాల్లో లోతైన అవగాహనతో స్పష్టమైన, పాఠకులకు సులభంగా అర్థమయ్యే శైలిలో వార్తలను అందిస్తున్నారు. ప్రముఖ మీడియా సంస్థలు అయిన ఈనాడు, ఆంధ్రజ్యోతి, ఏపీ7 ఏఎంలో పనిచేసి విలువైన అనుభవాన్ని సంపాదించారు. విశ్లేషణాత్మక దృక్పథంతో వార్తలకు కొత్త కోణాన్ని జోడిస్తూ పాఠకుల విశ్వాసాన్ని పొందుతున్నారు.